Voormalige HS Verwoerd loop deur onder vandale

Die skool het oor die naweek deurgeloop. (Foto: Verskaf)

Rietondale High School, voorheen bekend as Hoërskool Hendrik Verwoerd, het slegs ʼn maand ná die skool se naamsverandering onder vandale deurgeloop.

Panyaza Lesufi, LUR vir onderwys en jeugontwikkeling in Gauteng, het Maandag foto’s van die skool op Twitter gedeel nadat die skool die naweek beskadig is.

Die Gautengse departement van onderwys het gesê vandale het onder meer die skool met wit verf bygekom en krane en stortkoppe wat onlangs in die nuwe badkamers geïnstalleer is, gesteel.

“Ons is gewalg en geskok oor hierdie gedrag. Ons doen ʼn beroep op die polisie om alles in hul vermoë te doen om hierdie gesiglose individue in hegtenis te neem. Hierdie daad teen die skool is ʼn skending van ʼn fundamentele mensereg en ondermyn ons transformasie-agenda.

“Hierdie daad sal ons egter nie afskrik van ons agenda om die onderwysstelsel te transformeer nie. Vandalisme by skole verg die dringende aandag van alle strukture van die burgerlike samelewing en ons vennote in die onderwyssektor,” het Lesufi gesê.

“Ons veroordeel enige misdadigheid en die ontwrigting van skoolopleiding, wat die waardigheid van leerders én opvoeders ondermyn, ten sterkste. Ons doen ʼn beroep op lede van die gemeenskap om hul skole te beskerm en inligting te verskaf wat kan lei tot die inhegtenisneming van hierdie misdadigers.”

Die stryd teen rassisme en haatmisdade moet verskerp word namate ons voortgaan met die opbou van ʼn nierassige, nieseksistiese en verenigde demokratiese Suid-Afrika, het Lesufi bygevoeg.

Die departement het ʼn span van die distrikskantoor gestuur om die skool te ondersteun. Die departement werk ook nou saam met wetstoepassingsagentskappe om te verseker dat die skuldiges vasgetrek word.

Maroela Media het vroeër berig die skool is op 23 Augustus vanjaar onder Lesufi se leiding herdoop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Seepbox

Is die vandalisme waarna hier verwys word die bietjie verf? Mens verwag deesdae erger, soos ‘n skool wat afgebrand word, ruite sukkend, bande wat brand…

Elize

Vergewe my, maar die trane loop soos ek lag. Sien Lesufiiiii, julle ou kaart huisies tuimel die een na die ander. Verander name verander net wat julle wil maar n boer se gees knak julle nie soooo maklik nie. Ons is gedissiplineerd en wag ons kanse goed af.

Koos de Meyer.

Hy is gou om weer die rassisme perd op te saal, maar wat van sy skole in die townships wat ge plunder word,afgebrand ens.

Jan

Hoe kan enige iemand beweer dat hierdie daad gekoppel word met rassisme?

Kiewiet

Dis wit verf…. ????