(Argieffoto: Miguel Roberts/AP)
Die polisie ondersoek ʼn saak van moord nadat die liggaam van ʼn 44-jarige vrou Sondag in haar huis in Bellville in die Wes-Kaap gevind is.
Kapt. FC van Wyk, woordvoerder van die polisie, sê die vrou se liggaam is omstreeks 06:00 in haar huis in Eerstelaan in die Boston-woonbuurt gevind.
“Haar oudste seun het haar in haar slaapkamer met verskeie steekwonde aan haar liggaam aangetref,” sê Van Wyk.
Twee verdagtes, albei 20 jaar oud, is later dieselfde dag vasgetrek. Hulle sal na verwagting Dinsdag in die landdroshof in Bellville verskyn op aanklag van moord.
Dit is baie tragies. Hoop die SAPD trek die moordenaar vinnig vas.
2 reeds vasgetrek
Dit is so hartseer. Dit is ook ‘n baie stil area en bure moet maar uitkyk vir mekaar.
Regtig nie meer veilig in jou huis nie? Wat gaan aan in ons land?