Vrou se lyk onder matras in Limpopo-plaashuis gevind

Argieffoto: Reint Dykema

Argieffoto: Reint Dykema

Die liggaam van ʼn Limpopo-vrou is Maandagoggend deur haar huishulp onder ʼn matras in een van die slaapkamers van haar huis op ʼn plaas in die Haenertsburg-gebied naby Tzaneen gevind.

Kol. Ronel Otto, woordvoerder van die polisie, het gesê die vrou se hande was agter haar rug vasgebind en haar mond met kleefband toegeplak. “Dit is nog nie duidelik wat die oorsaak van haar dood is nie. Daar was wonde aan haar liggaam, maar dit is nie duidelik of dit meswonde is en of dit deur ʼn ander wapen veroorsaak is nie. ʼn Nadoodse ondersoek sal gedoen word om die presiese oorsaak van haar dood te bepaal.”

Volgens Otto is twee selfone en ʼn Isuzu-bakkie gesteel. “’n Voorlopige ondersoek dui daarop dat die vrou oorval is terwyl sy [Sondagaand] besig was om televisie te kyk. Sy het alleen op die plaas, Silver Mist, gewoon.” Niemand is nog in verband met die voorval in hegtenis geneem nie.

Die naam van die oorledene is aan Maroela Media bekend, maar kan nie bekendgemaak word voordat al haar naasbestaandes ingelig is nie.

Die vrou is die derde persoon in die provinsie wat Sondagaand tydens ʼn plaasaanval vermoor is. Die liggame van Robbie (69) en Una Lötter (64) is onderskeidelik Sondagaand en Maandagoggend op hul plaas buite Modimolle aangetref.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Theo

NEE!!! NEE!!! NEE!!!

Hannelie

Hierdie gemors in ons land sal nie ophou voor ZUMA se familie nie iets oorkom, soorgelyks nie. Dit hou net nie op nie!! En ergste is daar word niks aan al hierdie sinnelose moorde op blankes gedoen nie. Miskien is dit tyd dat ons maar uit “self verdediging” optree, want skiet jy per ongeluk een dood, is jy ‘n moordenaar. Nou wonder ek net wat noem jy hierdie tipe wat mense links en regs vermoor, huise afbrand?

MM

Nee sjoe dit is darem nou baie erg. Hulle moor nou elke dag +- 3 boere!!!!!!!!!!!! En dit is nie vir die kaders nie ‘n problem nie!!!!!!!!!!!!!!

Justa

Die moorde sal maar net aanhou. Ons as Afrikaners kon nog nooit saamstaan nie. Dis belangriker om “shopping’ in die”Mall” te doen en rugby te kyk as om daadwerklik vir die regering te se ons is nou gatvol.

Aster

Daar is niks wat ons kan doen nie. As ons optogte begin gaan nie die regering net vir ons lag. Hulle is in beheer nou en dis hoe dit is. Ons wittes moet ander opsies oorweeg, of jy jonk of oud is om dalk te emigreer. Om in SA te bly is uitputtend en nie lekker nie, want ons as Afrikaners word uitgemoor en van “die map” verwyder. Mens bly baklei vir jou kultuur, jou mens wees, jou regte, maar die skrif is klaar teen die muur.