Vrou sterf toe trekker oor haar ry

Argieffoto

Argieffoto

ʼn Vrou, in haar 50’s, is dood toe ʼn trekker op die R102 in Tongaat in KwaZulu-Natal oor haar gery het.

“Die vrou het glo op die wielboog gesit om ʼn rygeleentheid op die trekker te kry,” het Chris Botha, woordvoerder van Netcare 911, gesê. “Sy het afgeval en onder die agterwiel beland.”

Die vrou het verskeie beserings opgedoen en is in ʼn kritieke toestand na ʼn hospitaal geneem. “Sy is dood net nadat sy by die hospitaal opgedaag het,” het Botha gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
scalla

dit is hoekom n trekker net een sitplek het, word as taxi gebruik, die bestuurder moet verantwoordelikheid aanvaar en sy man staan want hy het dit toegelaat.