Vrou vas wat glo omkoopgeld aanvaar vir bestuurslisensies

Argieffoto: www.services.gov.za

Argieffoto: www.services.gov.za

ʼn Beampte by ʼn bestuurstoetssentrum in Kaapstad is in hegtenis geneem nadat sy glo omkoopgeld aanvaar het om bestuurslisensies aan aansoekers uit te reik.

JP Smith, burgemeesterskomiteelid vir veiligheid en sekuriteit, het gesê die stad se spesiale ondersoekeenheid (SOE) het ʼn wenk ontvang dat ʼn bestuurslisensie-aansoeker aangesê is dat hy R3 500 kon betaal om sy bestuurslisensie te kry indien hy die toets dop. “Die SOE het die saak ondersoek en die informant en verskeie ander betrokke partye ondervra,” het Smith gesê.

“Die eenheid het in samewerking met die Valke die beampte en ʼn bestuursinstrukteur Dinsdag in hegtenis geneem.”

Volgens Smith het die 27-jarige aansoeker Dinsdag by die Ottery-bestuurslisensietoetssentrum opgedaag waar sy bestuursinstrukteur vir hom gesê het hy het nie die nodige bestuursvaardighede om die toets te slaag nie. Hy het hom aangeraai om eerder die beampte om te koop. Nadat die transaksie afgehandel is, is ʼn lisensie aan die aansoeker uitgereik.

Oomblikke daarna het die Valke en die SOE ʼn klopjag op die beampte se kantoor gedoen waar hulle beslag gelê het op kontant en lisensiedokumente. Die dokumente is as bewysstukke by die Lansdowne-polisiestasie ingedien.

“Hierdie is ʼn ernstige oortreding omdat dit uiteindelik beteken dat onbevoegde bestuurders op ons paaie beland en hul eie en ander se lewe in gevaar stel. Ons sal dit nie toelaat nie,” het Smith gesê. Die twee beskuldigdes sal Donderdag in die Athlone-landdroshof verskyn op aanklagte van bedrog.

In ʼn soortgelyke voorval is vier lisensiebeamptes in Augustus in hegtenis geneem vir die onwettige uitreiking van voertuiglisensies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Christelle Buys

Waar kan mens die persone aan gee?

Worsman

En dis nou nuwe nuus. Ga hier sukkel ek al vier jaar om wettig te kan bestuur. Elke keer wanneer ek in die kar klim, bid ek : Here aseblief maaak my invisible vir die traffic cops. Glo my ek sal nie daai Omkoop geld (tstotstjo ) betaal nie. Elke keer as ek by Florida se testing station kom laat weet hulle jou, jy kom nie sonder n driving school daar nie en wanneer jy met die drving school praat se daai ou jou al vroeg tydig as jy will n driving licence he moet jy vir hom R3500.00 gee… Lees meer »

Piet Pompies

Ons kinders het so jaar na jaar uitmekaar hulle leerling en bestuurlisensensies gekry deur ‘n betroubare bestuurskool wat hulle die regte opleiding gegee het. Dit het ons omtrent so R1500 per kind gekos het, vandag is hulle met trots wettige bestuurders op die paaie. Vir die toekomstige bestuurders, daar is heelwat wolhaarstories oor toets sentrums, gaan na ‘n klein dorpie naby julle groot stad, hierdie mense help jou met graagte want hulle het die kapitaal nodig. Sterkte….

Penny

As hul mens nie keer op keer fail dan sal minder mense dit begin koop geld maak storie die hele ding die dat meeste mense sonder lisensie ry deesdae

Eish!

Ennnnnn vandag word my posts nie geplaas nie. Praat seker te die waarheid.