Vroue by Zuma-toespraak ‘geplant’

Foto: Twitter

Foto: Twitter

Die vier vroue wat Saterdagaand ʼn stille protesaksie gehou het tydens pres. Jacob Zuma se toespraak by die bekendmaking van die amptelike resultate van die munisipale verkiesing, was daar “geplant”, het Reggie Nkabinde, die tesourier van die ANC Jeugliga, Maandag gesê.

“Ek is ontsteld oor die optrede van die persoon wat daardie vroue daar geplant het. Die verkragtingsaak teen pres. Zuma is lankal afgehandel. Dit is ʼn hoofstuk wat lank terug al afgesluit is. Waar was hierdie vroue al hierdie jare? Hoekom kom hulle nou eers tydens verkiesing na vore?” het Nkabinde gesê.

Hy het gesê die protesaksie was deel van ʼn “agenda” om die president te ondermyn. “Hulle het al dikwels vantevore probeer om die president te ondermyn, maar tot vandag toe is hy steeds staande. Hulle sal nie suksesvol wees nie. Ons gaan saam met hom 2019 tegemoet.”

Terry Tselane, die adjunk-voorsitter van die Onafhanklike Verkiesingskommissie (OVK), het Maandag gesê die kommissie het aan Zuma om verskoning gevra oor Saterdag se protesaksie.

Vier vroue wat die EFF se tafel by die OVK se uitslagsentrum beman het, het voor Zuma gaan staan met plakkate wat verwys na Zuma se verkragtingsverhoor in 2006. Die betogers is ná Zuma se toespraak deur lyfwagte uit die uitslagsentrum verwyder. Zuma is in 2006 vrygespreek op ʼn aanklag dat hy ʼn 31-jarige familievriend by sy huis in Johannesburg in 2005 verkrag het.

David Mahlobo, minister van staatsveiligheid, het vroeër gesê hy wil ʼn volledige verslag oor die sogenaamde “sekuriteitskending” by die OVK hê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Popeye

Jammer Reggie, jou repliek is tipiese kommunistiese kommentaar, julle is vrot van die kop af meneer!

FBrits

Die beste kans om die ANC te verslaan is terwyl Zuma president bly.

Liewe heksie

Hou hom daar dan staan die DA groter kans in 2019 hou hom daar net jammer hy het nog soveel tyd om ons taxgeld te steel

Cruz

Daar slaan jy die spyker loodreg op die kop FBrits.Ons moet vir Zuma nou rose lê voor in sy pad dat hy die ANC en homself kan sterk in hul kwaad,dan sal die ANC in 2019 verslaan word deur die opposisie.

rudi

Dis nogal komies dat die EFF wat die meisies geplant het nou oorweeg om Thswane en Johannesburg saam met die ANC te besteel. Voor die uitslae het Malema gese dat dat geen manier was dat hul saam kan werk en dit is waarom hy die plakaat meisies geplant het. Nou dat sy party die finale se het en nou dat die ANC hom seker “gebribe” het nou is hy ewe skielik baie lief vir hulle.