EFF-leier Julius Malema tydens Woensdag se besoek aan Mall of Africa. (Foto: EFF/Twitter)
EFF-leier Julius Malema het Woensdagoggend restaurante by die Mall of Africa in Gauteng besoek om die indiensnemingskoers tussen Suid-Afrikaners en buitelanders na te gaan.
Volgens die EFF sal die restaurante se arbeidsbeleid en werkerskorps van nader beskou word om te verseker “mede-Afrikane word nie uitgebuit nie en plaaslike inwoners word op ʼn aanvaarbare vlak in diens geneem”.
Malema, met ʼn gevolg verslaggewers en ondersteuners, het onder meer met die bestuur van Kream Restaurant in die sentrum vergader. Malema sê hy het ʼn afspraak met die restaurantbestuur gemaak en het hulle nie in ʼn “hinderlaag” gelei nie. Hy sê ook almal wat in Suid-Afrika sake doen, moet aan ondersoek onderwerp word.
“Ons het ʼn probleem met hoë werkloosheid en armoede en al hoe dit opgelos kan word, is deur indiensneming.
“Ons wil benadruk – en dit is ook wat ons aan die eienaars van die restaurante gesê het – dat niemand moet ophou om Zimbabwiërs in diens te neem en sê die EFF wil nie Zimbabwiërs hê nie. Ons wil hê Zimbabwiërs moet hier in Suid-Afrika werk, dit is hul tuiste,” sê Malema.
“Hulle moet geen verskoning maak omdat hulle Zimbabwiërs of enige ander Afrika-broer of -suster in diens neem nie. Maar wanneer dit gedoen word, moet dit met die oorweging wees dat daar ook plaaslike mense is wat ten alle tye voorkeur gegee moet word.”
Suid-Afrika het ʼn bevolking van nagenoeg 60 miljoen mense, waarvan sowat 3 miljoen volgens die jongste beskikbare syfers migrante is. Baie van hierdie migrante is Zimbabwiërs wat weens die ekonomiese ineenstorting daar ʼn heenkome in Suid-Afrika kom soek het.
Die EFF-leier sê ʼn situasie waar Suid-Afrikaners van indiensneming uitgesluit word, kan nie geduld word nie – en hy sê daarmee het die restaurante se bestuur saamgestem.
Malema sê Zimbabwiërs mag egter nie minder betaal word as hul plaaslike eweknieë net omdat hulle buitelanders is nie.
Malema op pad om met die bestuur van Ponta te vergader. (Foto: EFF/Twitter)
Dr. Michael Cardo, die DA se woordvoerder oor indiensneming en arbeid, het die EFF se besoeke gekap en dit bestempel as ʼn “desperate oefening in xenofobiese, politieke gespog wat voorgehou word as wetgewende oorsig”.
“Dit kom neer op ʼn vorm van werkplek-terrorisme en moet heelhartig veroordeel word.”
Cardo sê die idee dat Malema die mag het om homself op ʼn private werkgewer af te dwing en “gewapen, soos ʼn apartheidsera-arbeidsinspekteur”, met ʼn knipbord om ʼn “soort potloodtoets te doen,” is lagwekkend en gevaarlik.
Die DA bestempel die EFF as ʼn populistiese party met weinig of geen samehangende beleid nie en een wat byna enigiets sal doen om aandag te trek, met min ontsag vir die oppergesag van die reg.
Die party gee ultimatums, intimideer werkgewers en bedreig die veiligheid in die werkplek as daar nie aan hul eise gehoor gegee word nie, sê Cardo Die party se optrede ondermyn en destabiliseer boonop arbeidsverhoudinge.
“Die ANC is aandadig in die skep van ʼn kultuur wat bevorderlik vir xenofobie is deur deurlopend buitelanders in die werkplek te teiken en sondaars van hulle te maak. Die regerende party moet hom nou van die EFF se toneelspel distansieer en sy posisie duidelik maak oor politieke partye wat optree as arbeidsinspekteurs en vakbonde.”
Malema het Woensdag gesê die besoeke sal nie ʼn eenmalige gebeurtenis wees nie en dat die EFF ook plase en maatskappye in die veiligheid- en gasvryheidsbedryf sal besoek, veral wanneer hulle wenke oor die plekke ontvang.
Hulle moet kom kuier by die werkgewers wat inentings op jou wil afdwing. DAAI sal nou lekker sports wees.
Hulle moet in die tronk gaan kuier waar hulle hoort!
pfff hy soek net ies om in die kollog te wees, nie lank nie dan plunder hulle die plekke
Se asb vir besighede om skool verlaters ook n kans te gee vir werk, dit is belaglik dat hulle verwag jy moet uit skool uit kom met jare se ondervinding, almal begin kruip voor hulle loop hoe moet n mens ondervinding op bou as niemand jou n kans wil gee nie?
Hy verander sy storie ook elke dag. Dan wil hy die grensposte oopgooi vir sy mede landburgers in Zimbabwe en nou wil hy weer sy mond rek oor werk aan hulle verskaf word. Die idioot soek net aandag. Plaas hyself terug gaan Zimbabwe toe waar hy vandaan kom.
???
En kyk hoe stap die kapokhaantjie sonder sy masker.
Die enigste respek wat ek vir hom het, ja.
Ja en hy moet gedagvaar word want hy is n gevaar vir die publiek
Hy moet hof toe die maand….lets see?!
Is Zimbabwe nie meer die Zimbabwiërs se tuiste nie…?
“Malema sê hy het ʼn afspraak met die restaurantbestuur gemaak en het hulle nie in ʼn “hinderlaag” gelei nie.” whahahahaha, hy het seker net ‘n bespreking gemaak om daar te gaan eet, en toe nooi hy net die nuus mense saam.
Hoop hy doen dieselfde met die “plase en maatskappye in die veiligheid- en gasvryheidsbedryf” sodat die mense hom net kan weier as hy daar aankom.
Bla Bla Bla te minste will hulle werk kan dit nie se van die in SA.
Wil werk en is nie arrogant nie…een Zimbabwiër werk soos 4 “local” EFF “broers en Susters”.
Ek wonder of hy besighede en plase met swart bestuur/eienaars ook sal besoek(terroriseer)?
Wat kommerwekkend is is dat politici toegelaat word om vryelik die werk van immigrasiebeamptes en die Dept van Arbeid te doen.
Wel politici is mos sommer medici en ekonome ook…dons alles op waaraan hul vat.
As rooikappie dan so n behoefte het om plase en gastehuise te besoek is hy regtig baie welkom hy moet net sorg dat hy reg voor sy trompiebende as die woordvoerder stelling inneem .Ek sal net aanbeveel dat hy genoeg spasie agter hom los vir n haastige vertrek om n fiasko soos by Brackenfell destyds te voorkom
Wie is malema om te dink hy kan vir enige besigheid sê wie indiens geneem kan word en wie nie. Hy is ‘n arrogante klein mannetjie wat kortgevat moet word. Dit wat hy doen bevorder rasse haat en die regering laat dit toe.
Want die regering is vir rassehaat
Aag tog. Malema is net honger… gee hom sy stukkie brood restaurant eienaars.
Mert purgasie in ja.
Dit gaan nie oor buitelanders nie maar eerder om te kyk of daar BLANKES indiens is. Heokom kla Dr Andre Gaum nie sy persoonlike held en boesemvriend aan vir verbreking van Covid reëls nie of hoef die hoogedele Malema nie masker te dra nie?
Maskers?
Ag asseblief, as die enigste oortreding wat jy sien in daai video, die belaglike masker is, dan is jy net so pateties!
Mnr Malema, jy eien jou die reg toe om willens en wetens amok te maak. Wees nou asb produktief en gaan gee lesings by skole oor swangerskappe onder tieners en werkloses. Hulle het jou ondersteuning meer nodig. Nou wonder ek, daar waar jy jou lyf rondgooi as jy lekker gaan uiteet, ondersoek jy die plek of plekke ook? Daar in Limpopo waar jy vandaan kom, weet jy wat daar aan die gang is? Wie is huishulpe in jou vriendekring? Die vroue bedelaars met kleintjies by verkeersligte, waar kom hulle vandaan? Vind bietjie uit en dan maak jy verder lawaai
meneer?????
ek bedoel dit sarkasties…..
Ek glo elke restaurant het ‘n bordjie wat sê ” Reg van Toegang voorbehou”. Pas dit toe.
Wie de hel dink hy is hy en wie gee hom die reg om besluite te neem. Hy moet hom liewer self regruk en sy kader sowel die ANC kader maniere leer en dissiplineer dan kan die gasvryheidbedryf hul weer in diens neem.
“Kream” van alle dinge … kon die ou nie soos normale mense die Spur besoek nie …. ja wys jou nou net … Spur val nie in sy klas nie!!
Hoekom is hierdie mannetjie se simpel dinge gereeld in die nuus waneer word hy gevonnis vir die aanranding van die polisie beampte.
As ek ‘n resturant gehad het weet ek wat ek vir die ou sal se as hy in loop. Dit sal nie mooi taal wees nie. En na die nie mooi taal sal ek die polisie bel om hom te kom verwyder.
Wat is sy probleem…hyself het Zimbabwiërs wat vir hom werk…..hy hyself betaal uiters swak. Wanneer gaan iemand hom ondersoek….
Nie net werkplek terroris nie, maar enige plek terroris! Die verteenwoordiger van die domstes onder die dommes. In afvaardiging van die anc, kom hy weg met enige kriminele optrede. As die regering hom nie betaal om terreurdade te pleeg nie, hoekom word hy en sy organisasie nie verban nie? Hulle is nêrens vir niemand ñ aanwins nie, en ñ gevaar vir hulleself. En definitief ook ñ gevaar vir wetsgehoorsame burgers van suid afrika.
Ek wonder waar kry hy sy statistieke vandaan. Ek woon in die Helderberg Kom en hier is sweerlik meer as 3 miljoen migrante. Staan in enige Pick n Pay of Checkers en almal voor en agter jou en by al die registers is “foreigners”. En kom kyk hoe lyk ons strande oor naweke. Lyk soos miere op en om ‘n stroopblik.
Stem saam met jou Linda. Ons strande by Blouberg en Table View dieselfde.
Malema is ‘n nar.
CR is ‘n jellievis en kan nie teen die EFF opstaan nie.
Werkgewers, restaurant eienaars het nie nodig om Rooikappie te woord te staan nie. Rooikappie soek net aandag. Vanaand is hy weer op TV. Pffffffft
En hy is? Niemand! belangrik genoeg om dit eers te kan doen nie.
Wat soek hy hier hy ook n buite lander stuur hom terug
Hey, Malema, jy kom mos self van Zimbabwe. Jy ook hier kom werk soek en nou wil jy mos met SA doen wat julle daar gedoen het. Bankrot maak en dan gaan jy nog ‘n land soek om deur te trek? Dis mos jou roeping wat van onder af aan die brand gesteek word. Jy al vir jou volgers vertel jy eintlik van Zim afkomstig is?
Hy is te slagpat om dit te doen. Dink SA is vir hom geskep
Die video van Malema is so rassisties soos net hy daarvan hou! Hy het dit weer oor blanke eienaars gemaak, seker omdat Kream se waiters jong blankes is! Malema moet eerder skole besoek en kyk of hy daadwerklike verskil in die opvoeding van die kinders kan maak, daar waar nog boeke kort, waar kinders hul onderwysers aanrand en waar kinders nie ordentlike opvoeding ontvang onder ‘n boom nie. Sy hele uitkyk op die lewe gaan oor blankes. Siek mens.
Iemand is so deurmekaar soos …’ n tolbos in die wind. Wat wil die mens nou eintlik sê …. Ek dink die man is baie lief vir homself op TV en koerante te sien, sodat hy voel hy is belangrik
Nie sy werk nie; hy is nie die regering nie
Selfde strategie as die Unies?
hy is verhewe bo masker dra wette – Rampies moet hom bietjie vasvat.. hy het GEEN reg om enige perseel te betree vir ‘n inspeksie – Zim mense is dankbaar vir werk en hul word in die algemeen dieselfde betaal..en hul brand en breek nie af sover hul gaan soos die SA outjies..
So n dug en dive krimineel wil nou vir die besigheids eienaars sê wie om in diens te neem . Little Malema wil so graag in die nuus wees daarom probeer hy oral inmeng . EN HY KRY DIT REG OM DIE MEDIA TE GEBRUIK
Ek dink dit is suiwer intimidasie. As restaurant eienaar sal ek hom en sy makkers toegang weier omdat hulle nie maskers dra nie.
Gaan soek die probleem van werkloosheid by die regering en by die unies, kyk ook na die aanwas van die populsie.
Die arrogante een dink regtig hy kan maak soos hy wil. Heeltemal te groot vir sy skoene. Hy wil net in die nuus wees dis al. Aandagvraat!!!
Die kokkelol sal enigiets doen om aandag op hom te vestig.
Sien hom al op die plase l.o.l.
O die klein kinderagtig seuntjie, shame! Hy het nou op sy louere by sy huis gesit en nou mooi die nuutste plan goed uitgedink hoe om nou sy terrorisme voort te sit. Hy is n “looser” wat nie wil erken hy is een nie, shame, shame shame