Wetsontwerp oor haatspraak ingedien

Argieffoto

Die departement van justisie en konstitusionele ontwikkeling het Woensdag ʼn wetsontwerp oor haatspraak by die parlement ingedien om die proses te versnel om haatmisdade en haatspraak strafregtelik te kan vervolg.

Die parlementêre portefeuljekomitee oor justisie en korrektiewe dienste het gehoor die Wetsontwerp op die Voorkoming en Bestryding van Haatmisdade en Haatspraak wil die toenemende getal voorvalle, wat deur bevooroordeling gemotiveer word, aanspreek. Die wetsontwerp het ten doel om persone by te staan wat in die vorm van haatmisdaad en haatspraak die slagoffers is van dié misdade, het Mathole Motshekga, voorsitter van die komitee, gesê.

Motshekga het gesê die wetsontwerp stel maatreëls in plek om dié misdade te voorkom en te bestry.

Hy het bygevoeg die komitee is bewus van die dringendheid van die saak, maar LP’s sal eers die saak vir verder duidelikheid ondersoek voor daar op ʼn pad vorentoe besluit word.

Die wetsontwerp bepaal dit is ʼn haatmisdaad as ʼn persoon enige misdaad pleeg wat gemotiveer is deur bevooroordeling of onverdraagsaamheid gebaseer op ʼn karaktertrek van die slagoffer.

Enige persoon wat enigiets doelbewus publiseer, verkondig of bevorder of aan een of meer persone kommunikeer op só manier dat dit duidelik ten doel gehad het om skadelik te wees, of wat haat aanhits, bevorder of verkondig, gebaseer op verskeie kategorieë in die wetsontwerp, sal onder die wetsontwerp as haatspraak beskou word. Dit sluit, onder meer, ras, geslag, MIV-status, taal, nasionaliteit, godsdiens, velkleur, albinisme, kultuur, ouderdom, etniese of maatskaplike oorsprong, gestremdheid en seksuele oriëntasie in.

Die wetsontwerp maak toegewings vir uitsluitings, soos vryheid van die media, vryheid om inligting oor te dra, vryheid van kuns en kreatiwiteit, akademiese vryheid en wetenskaplike navorsing.

Motshekga het gesê volgens die wetsontwerp sal ʼn hof ʼn persoon, wat skuldig bevind word aan haatmisdade, beboet of gevonnis kan word en selfs tronkstraf opgelê kan word, afhangende van die misdaad.

Wat betref haatspraak, maak die wetsontwerp voorsiening vir ʼn maksimum van driejaartronkstraf in die geval van die eerste oortreding, of ʼn boete of vyfjaartronkstraf in die geval van enige daaropvolgende skuldigbevinding, het Motshekga verduidelik. Hy het gesê die wetsontwerp maak nie voorsiening vir alternatiewe soos regstellende geregtigheid nie.

“Suid-Afrikaners sal tevrede wees met die wetsontwerp, veral in die lig van toenemende onverdraagsaamheid wat die land onlangs beleef het,” het hy bygevoeg.

Die kabinet het die wetsontwerp reeds in Maart goedgekeur.

Vicki Momberg is in Maart tot drie jaar tronkstraf gevonnis, waarvan een jaar opgeskort is. Dit kom nadat sy verlede jaar in November aan vier aanklagte van crimen injuria skuldig bevind is nadat sy ʼn swart polisiebeampte minstens 48 keer die k-woord toegesnou het. Tot dusver kon ʼn persoon slegs van crimen injuria skuldig bevind word indien hulle van rassisme of diskriminasie aangekla is.

Lees alle vorige berigte oor die Wetsontwerp op die Voorkoming en Bestryding van Haatmisdade en Haatspraak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

72 Kommentare

jongste oudste gewildste
Erick

Ek is dood vir dié land en dié land is dood vir my. Hoop ek kan volgende jaar gaan.

Reguit

Duidelik ‘n “wet” (sic!) wat wittes gaan teiken en viktimiseer. Nóg méér rede vir witmense om daardie walglike hool vinniger te verlaat.

Net so...

Here comes another inquisition

Daan

O nee sekere mense is heeltemal te onstabiel vir sekere sake en werke. Geen balans. Nagmerrie.

Alida

Vervolg daai weermag nar en rooi overall eerste.