Limpopo-wildboer vermoor, verdagte reeds vas

polisie-huisroof-crime

Argieffoto: SAPD/Facebook

ʼn 51-jarige wildboer is Saterdag in die vroeë oggendure op sy wildplaas in die Rooiberg-omgewing, tussen Thabazimbi en Bela-Bela (Warmbad) in Limpopo, vermoor.

Lt.kol. Malesela Ledwaba, provinsiale polisiewoordvoerder, het gesê die boer het geslaap toe ʼn onbekende aantal verdagtes toegang tot sy plaashuis verkry en hom oorweldig en vermoor het.

“Voorlopige ondersoek dui daarop dat die boer verwurg is. ʼn Nadoodse ondersoek sal gedoen word om presies te bepaal hoe hy dood is,” het Ledwaba gesê.

Die verdagtes het met die boer se kluis van die toneel gevlug.

Die Rooiberg-polisie is oor die voorval ingelig en is dadelik na die toneel. ʼn Volskaalse soektog na die verdagtes is van stapel gestuur en ʼn 29-jarige verdagte is in Bela-Bela gearresteer.

“Die gesteelde kluis, met ʼn vuurwapen, ammunisie en kontant is kort daarna in ʼn veld buite die dorp opgespoor.”

Die soektog na die ander verdagtes duur voort.

Die verdagte sal na verwagting binnekort in die Bela-Bela-landroshof verskyn op aanklagte van moord en die besit van vermeende gesteelde eiendom.

Die oorledene se naam is nog nie bekend gemaak nie.

Lees die opvolgberig hier: Ses vas vir moord op Limpopo-wildboer

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Olgadene

Die boer wat vermoor is in die plaas aanval is sover my kennis strek in die Thabazimbi distrik vermoor. Naby die plaas waar die Res egpaar aangval was en Petro Res vermoor is. Dit is die 3de moord net in die omgewing.

talitha

Dis siek. So word ons mense atelmatig uitgemoor.

Peet J

Ek wonder maar net hoe het hulle in die huis gekom was daar nie honde, alarms, sekuriteitshekke of waarskuwings middele nie Dit blyk dat hulle nou as bendes begin optree want hulle is gewoonlik meer as een. Waarom is die boer se lewe geneem hy is in sy slaap oorval en verwurg wat ‘n klomp lafaards.

Genis

Solank daar net nie aan die taal gevat word nie nê. Dan is almal in rep en roer. Een vir een word ons vermoor, waar is ons woede en verontwaardiging?

Niel

Ek is verbaas dat boere nie meer paraat is nie? Selde hoor mens van ‘n boer wat aanvallers geskiet het? Ek sou alarms instaleer, met rewolwer onder my kussing slaap. Honde in die huis kan ook ‘n verskil maak