Zuma wil datum vir grondeise skuif

Pres. Jacob Zuma. Foto: Elmond Jiyane, GCIS

Pres. Jacob Zuma. Foto: Elmond Jiyane, GCIS

Pres. Jacob Zuma het die kwessie of die afsnydatum vir grondeise nie verander moet word nie, aangeroer.

Zuma het Donderdag by die opening van die Nasionale Huis vir Tradisionele Leiers gesê hy glo eise moet ook ingestel kan word op grond wat voor 1913 vervreem is, wat tans nie die geval is nie.

“Ek glo, as die seun van ʼn swart man, wat swart is en alleen was soos altyd, dat die afsnydatum geskuif moet word. Maar daar moet ʼn verantwoordelike manier gevind word om aandag te gee aan die kwessie binne die grense van die grondwet en die reg,” het Zuma gesê.

Zuma het gevra of die 1800’s nie die geskikste afsnydatum vir grondeise sal wees nie. “Was die besluit om die afsnydatum 1913 te maak korrek? Miskien ja. Maar is die grond in 1913 gevat?” het Zuma gevra.

“Ek glo dat die grond wat ná 1913 gevat is, persentasiegewys baie klein en onbeduidend is in vergelyking met die grond wat spesifiek in die 1800’s gevat is. Dit is wanneer die grootste gedeelte van grond gevat is.”

Zuma het gesê die huidige eiseproses is nie regverdig teenoor swart Suid-Afrikaners nie. “Dit is baie moeilik om te bewys dat grond aan jou voorouers behoort het. Dit is baie maklik vir ʼn grondeienaar om te sê die grond behoort nie aan jou nie.”

Zuma het gesê grondonteiening is een van die kwessies wat bydra tot die probleme van armoede, ongelykheid en werkloosheid wat miljoene Suid-Afrikaners se lot is. “Ons gaan dood as gevolg van armoede. Daar is baie dinge wat met ons gebeur. Praat met julle swart intelligentsia om navorsing te doen en na te dink en met nuwe planne vorendag te kom hoe ons hierdie vraag kan hanteer sodat ons armoede kan hokslaan. Dis nie nodig om skaam daaroor te wees nie,” het Zuma gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Oosie

Armoede word o.a. hokgeslaan deur produktief te wees, m.a.w. nie lui te wees nie. Of om op te hou om op ‘n ‘sloerstaking’ te wees soos wat ‘n mens waarneem as jy staatsinstellings ens. besoek. Werk jou uit armoede uit deur toekomsgerig te wees en hou op om op die verlede as fondasie te gebruik. As Europa nog steeds in sy verlede vasgevang was sou dit steeds soos kort na die oorlog gelyk het. Hulle het egter besluit om toekomsgerig te leef en kyk hoe ‘vinnig’ het hul vooruitgegaan.

Swanna

Zumbie probeer alweer die aandag van hom af weg trek na grondeise sodat dit klink hy is die groot man en dat hy “sy” mense wil help sodat elke een op sy eie stukkie grond kan gaan sit en broei. Om grond te besit se nie jy gaan produktief boer en vir die ander kos gee nie. Meeste van hulle wil daar gaan sit en om die huis skuif soos die son beweeg en ‘n paar hoenders op die werf met so ‘n stukkie lap mielietjies geplant en dit is al.

ig

Skuif die datum terug na die jaar 1600 dan kry die Koi en San al die grond.

PJ

Daren snaaks hoe die mense se koppe werk Zimbawiers het plase gekry hoor nou net biljoene dollars se diamante verdwyn maar steeds krepeer hulle van elende met(grond) plase en al

ANDRE

As die kop dom is moet die lyf sukkel , daar is nie pille daarvoor nie ! Zuma en sy gevolg gaan NOOIT ophou met hul verwoestingstog tot dat daar niks meer oor is nie.Dan gaan desperaatheid die massas pak.