Sanral oorweeg aparte posbus

Sanral-bedryfsentrum Foto: @sacrimefighters op Twitter

Sanral-bedryfsentrum Foto: @sacrimefighters op Twitter

Nazir Alli, hoof uitvoerende beampte van Sanral, het gesê Vrydag se tweede ontruiming van die bedryfsentrum in Centurion is kommerwekkend.

“Die Suid-Afrikaanse Nasionale Padagentskap (Sanral) is baie besorg oor die impak wat hierdie tipe van gedrag op sy personeel het,” het Alli gesê. “Dit is vir meeste van dié persone hul eerste werk en hulle is relatief jonk. Diegene wat nie tevrede is oor ʼn regeringsbeleid nie, het behoorlike kanale wat hulle kan gebruik om hul ontevredenheid uit te spreek.”

Sanral het Vrydag gesê sy stelsel is nie deur die ontruiming ontwrig nie. “Slegs die inbelsentrum word hierdeur geraak,” het Sanral in ʼn verklaring gesê.

Electronic Toll Collection (ETC), die maatskappy wat e-tol invorder, het Vrydag gesê die wit poeier wat in die posbus opgespoor is, is skadeloos.

Intussen berig EWN dat Sanral nou oorweeg om van ʼn afsonderlike posbus gebruik te maak. “Ons oorweeg om van ʼn aparte perseel gebruik te maak vir alle inkomende posstukke,” het Jamie Surkont van ETC aan EWN gesê.

Sanral se hoofkantoor is Dinsdag ook ontruim nadat ʼn verdagte koevert met wit poeier daarin opgespoor is. Dié poeier was ook skadeloos.

Lees ook:
Sanral-poeier is skadeloos
Sanral wéér ontruim
Sanral: Alles weer normaal ná antraksskok
Verdagte wit poeier by Sanral nie antraks nie
Poeier is skadeloos – Sanral

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Jan ·

“Dit is vir meeste van dié persone hul eerste werk en hulle is relatief jonk.”

Sanral is skynbaar bekommerd hierdie jonges sal die poeier begin snuif?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.