Verwoerd-naamsverandering gekritiseer

Laerskool Dr. Verwoerd. Foto: Google Street View

Die Vryheidsfront Plus het Vrydag die besluit om ʼn skool in Meyerton, wat na Hendrik Verwoerd vernoem is, se naam te verander, sterk gekritiseer.

Jaco Mulder, leier van die VF Plus in Gauteng, sê die besluit deur Timothy Nast, burgemeester van die DA-beheerde Midvaal-munisipaliteit, was geneem om polities korrek te wees. Mulder het Nast daarvan beskuldig dat hy die ouers en die skool se beheerliggam gedwing het om tot die “eensydige partypolitieke boodskap” in te stem deur die skool se naam te verander. Hy sê die DA se aksie is ʼn poging om steun onder swart mense te werf. “Die feit dat dr. Verwoerd die parlementêre verkiesing in 1958 as LV vir Heidelberg gewen het met Meyerton as deel van die kiesafdeling, in Januarie 1960 as eerste minister van Suid-Afrika tydens die parlementsopening aangekondig het dat ’n volkstemming oor republiekwording gehou sou word en dat die eerste openbare geleentheid wat Verwoerd ná dié aankondiging gehad het juis in Meyerton deur sowat 80 000 mense bygewoon is, word deur die aksies van die DA misken.”

Nast het intussen vir Mulder daarvan beskuldig dat hy ʼn politieke agenda het. “Ek is nie in die posisie om ouers en die skool se beheerliggaam te dwing om die naam van ʼn skool te verander nie. Ek is deur die skool gevra om my opinie daaroor te gee.” Volgens Nast het sowat 88% van die skool ouers gestem om Laerskool Dr. Verwoerd se naam te verander. “Minstens 480 gesinne is by die vergadering verteenwoordig. Ek ondersteun hulle besluit aangesien dit die toekoms van die kinders en van die skool in ag neem.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

5 Kommentare

jongste oudste gewildste
H J Bester

As ons in Suid-Afrika begin om name van skole, geboue, strate, dorpe ens, vernoem na eertydse leiers of ander openbare figure, te verander, gaan ons onsself baie gou in ‘n onuithoudbare situasie bevind en ‘n nimmereindigende proses aan die gang sit. Iemand sal altyd “aanstoot” neem teen ‘n naam waarvan hy nie hou nie en dit wil verander. En omdat dit nie in alle gevalle kan gebeur nie sal daar oor alle grense heen verlief geneem moet word met sekere name en vernoemings en dit so behou. Almal in die land sal moet leer om name te eerbiedig.

Jana van Wyk

Vryheidsfront word tog wakker!

Gemsbok

Ek stem saam dat die naam verander moet word. Dr Verwoerd het gestaan vir hardwerkendheid, eerlikheid, offervaardigheid, uitnemendheid, ekonomiese vooruitgang waarby almal baat, Christenskap, gelykwaardigheid van verskillende kulture wat op gelyke voet met Engels moet kan kompeteer, die vermyding van onhaalbare verwagtinge en moedertaalonderrig as vereiste vir spoedige intellektuele ontwikkeling. Nie een van hierdie waardes kan meer met die publieke onderwysstelsel geassosieer word nie. Dit is ook waarom die nuwe bedeling so vir Verwoerd demoniseer. Dit gee hul ‘n voorskoot om agter weg te kruip sodat niemand kan vra waarom Verwoerd ‘n groter positiewe invloed op swart lewenskwaliteit, geletterheid en… Lees meer »

Brenda

Amen en Amen!