5 dood, 21 gewond in nóg ʼn massaskietery

Amptelike voertuie buite die rolprentteater in Odessa, Texas waar die skieter doodgeskiet is. (Foto: Tim Fischer/Midland Reporter-Telegram via AP)

Minstens vyf mense is dood en 21 gewond toe ʼn man Saterdag in Odessa in die weste van Texas, VSA, lukraak op mense losgebrand het.

Die moordtog het tot ʼn einde gekom toe polisiebeamptes die man buite ʼn fliekteater doodgeskiet het.

Die skietery het begin toe ʼn staatspolisiebeampte die man omstreeks 15:15 (plaaslike tyd) laat stilhou het nadat hy ʼn verkeersoortreding begaan het. Die man het die beampte geskiet en in goudkleurige Honda gevlug.

Dit het aanleiding gegee tot ʼn chaotiese middag waartydens talle mense geskiet is. Terwyl beamptes die man agternagesit en hom tot stilstand probeer dwing het, het hy sy vuurwapen deur die agterste venster van sy motor gemik en op die polisievoertuie geskiet. Die man het daarna minstens 20 mense op 42nd Street in Odessa geskiet.

‘n Man bid buite die noodgevalle van die Medical Center Hospital in Odessa, Texas. (Foto: Mark Rogers/Odessa American via AP)

In ʼn stadium het die man ook ʼn posafleweringsbussie gekaap en lukraak op mense geskiet soos hy gevlug het. “Die verdagte het voortgegaan om onskuldige inwoners reg oor Odessa te skiet,” lui ʼn verklaring van die polisie.

Die polisie het aanvanklik gedink daar kan meer as een skieter wees, maar polisiehoof Michael Gerke het later bevestig daar was net een.

Die skrikwekkende voorval het tot ʼn einde gekom toe polisiebeamptes die man doodgeskiet het. Gerke het die man beskryf as ʼn wit man in sy 30’s. Hy het nie ʼn motief vir die skietery bekendgemaak nie, maar gesê hy het ʼn idee wie die skieter is.

Amptelike voertuie buite die rolprentteater in Odessa, Texas waar die skieter doodgeskiet is. (Foto: Tim Fischer/Midland Reporter-Telegram via AP)

Hierdie skietvoorval kom net vier weke nadat ʼn skieter in El Paso, Texas, 22 mense doodgeskiet het toe hy by ʼn Walmart-winkel losgebrand het. Greg Abbott, goewerneur van Texas, het vandeesweek twee vergaderings met wetgewers belê om te bepaal hoe massaskietvoorvalle voorkom kan word. Abbott sal Odessa vandag besoek.

Die jongste skietery bring die dodetal van massaskietvoorvalle in die VSA vanjaar op 25 te staan. Sowat 140 mense is in die voorvalle beseer.

Russell Tippin, hoof van die Medical Center Hospital in Odessa, het gesê sewe van die mense wat in gister se skietery gewond is, is in ʼn kritieke toestand. Een van die gewondes is ʼn kind jonger as twee jaar. Maatskaplike werkers en beraders was by die hospitaal om familielede van die slagoffers by te staan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Werner

Die skietters sal nog moet oefen net gister is 57 mense in SA vermoor en vandag nog 57

Joon

Waarheen gaan jy as jy vandag te sterwe kom? Is jou saak reg met die HERE. Ons leef in n onseker tyd. Maar wees seker waarheen jy gaan!

Theoman

Nou gaan die spul libeweeraale Demokraate seker weer die skuld vir die onsinige moorde op Pres. Trump plaas.

John

Kallie, met Wie en van Wie praat jy?

HPV

Werner, Phil, julle is so reg , dit is feite. Dit is ook ‘n feit dat in baie oorlogsgeteisterde lande minder mense daagliks sterf as wat in die hool vermoor word.