Ses mense is beseer toe ’n tornado Saterdag die stad Jonesboro in die Amerikaanse deelstaat Arkansas getref het.
Die tornado het die stad net na 17:00 getref en groot skade aan talle motors en geboue waaronder ’n winkelsentrum en lughawe aangerig. Die geboue was egter ten tyde van die tornado gesluit om die verspreiding van die nuwe koronavirus (Covid-19) te beperk.
Harold Perrin, burgemeester van Jonesboro, het gesê dit is moontlik dat baie meer mense seer kon kry sou die sentrums nie gesluit wees weens die Covid-19-pandemie nie. Jonesboro het sowat 75 000 inwoners.
Luidens inligting is skade van dié omvang laas in die 1970’s aan die stad aangerig toe ’n tornado ’n skool in puin gelê het.
Dit is verskriklik om dit ook nog te moet beleef .
Dankie Maroela vir jul puik blad
Die Amerikaners het groot veg gees. Sou maklik kon opstaan na so n ramp… hoewel Corona nou alles vertraag. Jonesboro AR is my tuis dorp. Pragtige dorp en lieflike mense