Die akteur Ray Liotta, onder meer bekend vir sy rol as Henry in Martin Scorcese se Oscar-bekroonde fliek Goodfellas, is Donderdag in die Dominikaanse Republiek oorlede. Hy was 67.
AFP berig dat Liotta ten tyde van sy dood met die verfilming van ʼn nuwe riller, Dangerous Waters, in dié land besig was. Hoewel die oorsaak van sy dood nog nie bekend is nie, dui berigte daarop dat die akteur in sy slaap gesterf het.
ʼn Woordvoerder van die Dominikaanse filmowerheid sê dat Liotta se verloofde, Jacy Nittolo, saam met hom in die land was.
“Sy vra dat haar privaatheid gedurende hierdie hartseer tyd gerespekteer word.”
Hoewel Liotta ook vroeër in sy loopbaan goed gevaar het, was sy deurbraakrol beslis met Goodfellas, wat as een van die grootste rolprente van die 20ste eeu beskou word. Hy was saam met top-akteurs soos Robert de Niro en Joe Pesci in dié fliek te sien.
Goodfellas het een Oscar gewen, en is vir vyf ander genomineer.
Liotta was onder meer ook in die Oscar-benoemde sportfliek Field of Dreams te sien, asook Cop Land, Operation Dumbo Drop, Wild Hogs, Blow, Unforgettable en Corrina, Corrina.
Liotta en Nittolo het in Desember 2020 verloof geraak.
Hy het dié nuus destyds só op Instagram gedeel: “Kersfeeswense word tog waar.”
Huldeblyke vir Liotta stroom sedertdien op sosiale media in.
Sad to hear of the passing of Ray Liotta. A wonderful actor that had a tremendous career! Prayers and condolences go out to his family and friends during this difficult time ???????? https://t.co/U4bkvBbIdw
— Stacey King (@Stacey21King) May 26, 2022
RIP Ray Liotta, 67.
Brilliant actor, loved him in Goodfellas. Sad news. pic.twitter.com/TV9BO419MM— Piers Morgan (@piersmorgan) May 26, 2022
I am utterly shattered to hear this terrible news about my Ray.
I can be anywhere in the world & people will come up & tell me their favorite movie is Goodfellas. Then they always ask what was the best part of making that movie. My response has always been the same…Ray Liotta. pic.twitter.com/3gNjJFTAne— Lorraine Bracco (@Lorraine_Bracco) May 26, 2022
Sal hom onthou vir sy komiese rol in “Roadhogs”.
Jy bedoel seker “Wild Hogs” ????
Wild roadhogs
Wild Hogs soos Johann sê
Baie hartseer
Sjoe, wat n aantreklike 67-jarige man!
Sjoe, is hy nie stokoud nie. Ek meen 67? Op daai third world island? Iets nie pas nie.
So ń veelsydige akteur. Veral op ons ouderdom onthou ons sy eerste films tot nou. Sy familie en geliefdes is in my gebede.