Meisie (14) skok dood in bad

Madison Coe (Foto: ABC/Verskaf)

ʼn 14-jarige meisie van Texas in die VSA is doodgeskok nadat sy glo haar selfoon by ʼn kragprop ingedruk het terwyl sy gebad het.

Volgens polisieowerhede het Madison Coe, ʼn voormalige leerder aan die Terra Vista-laerskool in dié dorp, se ouers haar Sondagoggend dood in die bad aangetref. Coe se ouma, Donna O’Guinn, sê daar was ʼn brandmerk op haar hand.

“Die brandmerk was op haar dominante hand waarmee sy die selfoon sou vashou of gryp as dit in die water geval het,” het O’Guinn aan ABC13 gesê. “Dit is baie duidelik dat sy doodgeskok het.”

Die 14-jarige sou binnekort haar hoërskoolloopbaan in Houston begin en was in die proses om te trek.

“Dit is ʼn tragedie wat nie met enigiemand anders hoef te gebeur nie. Ons wil hê daar moet ten minste iets goeds uit haar dood kom. Mense moet weet dat hulle nie hul selfone in die badkamer moet gebruik nie – veral nie wanneer dit aan krag gekoppel is nie.”

Intussen het die Terra Vista-laerskool ook ʼn huldeblyk aan haar opgedra. “Dit is met ʼn swaar hart dat ons Madison Coe groet. Ons innige simpatie aan haar familie en vriende. Ons sal hierdie las saam dra.”

ʼn Gedenkdiens word Saterdag vir Coe gehou. ʼn Ondersoek na die voorval duur voort. Meer inligting is nie in dié stadium bekend nie.

Bron: ABC13, CBS

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Ada

Ai dit is hartseer en so onnodig

Hennie

Ek lees nounet die berig van die meisie wat doodskok in die bad, hoe op dees aarde skok n mens dood met 5 vdc in n bad ?
Water is n beter geleidings meduim as die liggaam , waar is die neutraal of aarde punt as jy in n bad sit ?
Klink na ń ” kom weg met moord” storie .

Ettienne Swanepoel

5v dc kan jou onmoontlik dood skok. Tensy sy n verlengkoord gebruik het en die voorpunt waar die laaier ingeprop was het in die water geval. Dit is die enigste manier. Dit bly egter baie tragies en hartseer. Maak nie saak hoe dit gebeur het nie.

Charles

Ja dis eienaardig in die VSA is die toevoer na huise 110vac. Iewers n slang in die gras.

Daan Erasmus

Tegnies maak dit Gladnie sin nie. Iewers êrens is daar detail wat nie genoem is nie. As die Aardlekasie reg werk kan jy maar ‘n haardroër in die bad gooi. Daar behoort niks te gebeur nie. Terloops die aardlekasie is ‘n Suid Afrikaanse uitvinding.