Dit blyk dat tiere vandeesweek nie net opslae in Suid-Afrika gemaak het nie.
Die skokkende onthulling dat Carole Baskin, ʼn diereregte-aktivis wat bekendheid verwerf het vir haar rol in die uiters gewilde Netflix- dokumentêre minireeks Tiger King, se vermiste eksman, Don Lewis, na bewering lewend in Costa Rica gevind is, het vandeesweek die internet behoorlik laat gons.
Aanhangers en kykers van die reeks het egter dié wilde bewering klaarblyklik misgekyk toe Baskin dit tydens ʼn onderhoud in November 2021 met ITV se This Morning-geselsprogram gedeel het.
So Don Lewis is in Costa Rica chillaxing all this time. I know damn well they got Netflix in Costa Rica and nobody said here he is after Tiger King aired? Carole Baskin is the real Queen of the Con. pic.twitter.com/mtLPtHYXLi
— LaLa ???? (@iamlalajones) January 19, 2023
Lewis is in 2002 wettiglik dood verklaar nadat hy met $1 miljoen (sowat R17,31 miljoen) wat Baskin na bewering aan hom gegee het, in Costa Rica verdwyn het.
Baskin het in dié destydse ITV-onderhoud gesê dat die nuwe inligting vir haar ʼn hoogtepunt van Tiger King se tweede seisoen was, maar dit blyk dat haar stellings teenstrydig met dié van die polisie is.
Die New York Post berig dat die Hillsborough-beamptes se ondersoek en soektog na Lewis steeds hangende is, ondanks die feit dat hy wettiglik dood verklaar is.
Baskin se Tiger King-vyand, Joe Exotic (oftewel Joseph Maldonado-Passage) het haar lankal daarvan beskuldig dat sy haar eksman vir tiere by haar diereskuiling gevoer het.
Exotic dien tans 22 jaar tronkstraf uit nadat hy skuldig bevind is aan sy aandeel in ʼn huurmoordpoging op Baskin en weens die dood van talle tiere.
Bronne: New York Post, ITV, NZ Herald.
Brakpan.
brakpan het nie tiere nie.