Sommige inwoners van Fukushima mag terugkeer

‘n Wag by die 20 km-spergebied. Foto: Reuters

‘n Wag by die 20 km-spergebied. Foto: Reuters

Sowat 357 mense wat na die aardbewing en tsunami van 2011 die gebied rondom die beskadigde Fukushima-kernkragsentrale ontruim het, mag na hul huise terugkeer.

Dit is net ‘n fraksie van die duisende mense wat in ‘n radius van 20 km om die sentrale ontruim is. Die regering in Japan het Dinsdag die besluit geneem dat die persone mag terugkeer. Terwyl sommige persone dankbaar en verlig is, is ander egter te bang om terug te keer.

Sowat 19 000 mense is in die aardbewing en tsunami dood, en ongeveer 100 000 mense is ontruim. Die radioaktiewe skoonmaak van die kragsentrale sal na verwagting nog dekades duur.

Bron: AP

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae