Video: Nuwe kaart van Mars gaan baie help

Mars_Geo_TopoDie Amerikaanse Geologiese Opnamesentrum, die USGS, het die mees omvattende geologiese kaart van Mars bekend gestel. Dié kaart sal onontbeerlik wees vir toekomstige Marssendings om die mees geskikte landingsplekke te vind waar die instrumente die nodigste inligting sal kan bekom.

Die kaart is die produk van meer 16 jaar se opnames deur vier tuie wat om Mars wentel. Mettertyd is meer en meer gesofistikeerde instrumentasie gebruik om al meer van Mars se geologiese geskiedenis en die huidige geologie aan die oppervlak te wete te kom.

Die ondersoeke het ook aangetoon dat die deel van Mars se oppervlak wat baie ou geologiese kenmerke dra, ‘n veel groter deel beslaan as wat voorheen gemeen is. Hierdie dele is tussen 3,7 miljard en 4,1 miljard oud. In hierdie periode, bekend as die Noachian-periode, is Mars deur baie meteoriete getref, wydverspreide erosie van die oppervlak het voorgekom, en dis moontlik dat die planeet toe oor baie water beskik het.

Meer kan hier gelees word.

 

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte, Wêreldnuus

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae