Video: Nuwe wêreldrekord vir spandraadlopers

(Foto: HowNOTtoHighline/Facebook)

Vier Duitse spandraadlopers het ʼn nuwe wêreldrekord opgestel toe hulle ʼn 2,1 km lange vallei in die Sweedse Lapland oorgesteek het op ʼn koord wat op ʼn hoogte van 600 m gespan is.

Beeldmateriaal wys hoe ʼn kaalvoet man sy balans probeer hou terwyl hy op die koord tussen twee bergpieke loop.

“Ek het net daarop gefokus om baie stadig te wees, skoon bewegings uit te voer en die einde te haal,” het Quirin Herterich gesê wat die afstand in twee uur en 59 minute afgelê het. Hy was die eerste om die afstand suksesvol af te lê voor sy landgenote Lukas Irmler, Ruben Langer en Friedi Kuehne in sy spore gevolg het.

“Dis moeilik omdat mens so ontbloot is – dis 600 m hoog, dis 2,150 meter lank en dis nogal winderig,” het David Sjostram, bestuurder van die Lapporten-projek, gesê. Dit het die span twee dae lank geneem om die koord tussen die twee bergpieke op te stel wat in dié tyd van die jaar 24 uur lank sonlig geniet.

Volg die Lapporten-projek op Instagram.

Four tightrope walkers set a world highlining distance record in Sweden, covering 1.3 miles on a line suspended at a height of 1,970 feet. pic.twitter.com/Ijrq70vUyy

— CBS News (@CBSNews) July 8, 2021