Somalië se minister van sport het die hoof van atletiek van dié land beskuldig dat hy die land “se eer aangetas het” ná ʼn video met ʼn oënskynlik amateur atleet wyd op sosiale media versprei het.
Mohamed Barre Mohamud het Woensdag gesê ʼn vrou wat vir Somalië aan die 100 meter-item by die Wêrelduniversiteit Spele in China deelgeneem het, “is nie ʼn sportvrou of ʼn hardloper nie”.
Daar bestaan ook nie enige “Somaliese Universiteitsport-vereniging” nie, het die minister in ʼn brief gesê aan die land se Olimpiese komitee.
Die vrou, wat deur die ministerie as Nasro Abukar Ali uitgeken is, het meer as 10 sekondes ná die wenner oor die wenstreep gedraf. Somaliërs het spottenderwys en met woede op sosiale media gereageer.
Mohamud het gesê die voorsitter van die Somaliese Atletiekfederasie het “haarself skuldig gemaak aan magsmisbruik, nepotisme en die land se eer aangetas in die internasionale arena” deur Ali te stuur om deel te neem.
Die ministerie van jeug en sport het gesê hy is van voornemens om regstappe te neem teen die voorsitter, Khadijo Aden Dahir en diegene wat verantwoordelik is vir die “vervalsing van die Somaliese Universiteitsport-vereniging”.
Die minister het aanbeveel dat die Olimpiese komitee Dahir skors en ʼn dringende vergadering belê om die volgende stappe te bepaal.
Somalië, geleë aan die kus van Oos-Afrika, die Horing van Afrika, voer ʼn stryd teen ʼn gewelddadige militante insurgensie en ʼn rekorddroogte. Die land het die laaste plek gehaal uit 180 lande op Transparency International se korrupsieindeks vir 2022.
The Ministry of Youth and Sports should step down. It's disheartening to witness such an incompetent government. How could they select an untrained girl to represent Somalia in running? It's truly shocking and reflects poorly on our country internationally. pic.twitter.com/vMkBUA5JSL
— Elham Garaad ✍︎ (@EGaraad_) August 1, 2023
Dis baie snaaks he he. Die minister moet tog ‘n sin vir humor kry …
As dit hulle beste is, dan is dit dan maar so… Duidelik is daar so bietjie van ‘n probleem in Afrika oor die algemeen…
Dis simbolies van Afrika leiers. Jy dink jy is “on-par” tot jy teen ander leiers gemeet word.
Dis nie snaaks nie maar wel lagwekend!
Klink soos die ANC. Stel maatjies en familie aan in alle fasette van samelewing. Wen is onbelangrik. Stel agtergeblewenes aan as kapteine.
Duidelik nie gelees nie.
As jy stadig is, is jy stadig.
Wel…sy hardloop vinniger as wat ek doen.
Waaraan neem jy deel, Janice:-)
Shame, dis vrek snaaks :)
Duidelik moet JY kan hardloop….. :)
Afrika was nog nooit bekend daarvoor dat dinge vinnig gebeur nie
“Eric the Eel” het ‘n maaitjie. Hierdie een hou egter van droë grond.
Ek hou van daai huppeltjie op die einde ????
Afrika die hansworse van die wêreld. Only in Africa.
Dis baie waar wat hulle sê ” agteros kom ook in die kraal “.
Gelukkig het NDZ nie gehardloop. Sy sou eers die volgende maand die eind streep oor gesteek het!
Hoeveel sou hulle die arme girl aangebied het?? Kyk, ek soek n hele paar nulle by voordat ek my naam so met n plank slaan….