Die voormalige swaargewigkampioen van Kameroen, Francis Ngannou. (Foto: X)
Die bokswêreld is stil ná die dood van die UFC-vegter, Francis Ngannou, se seuntjie.
Die voormalige swaargewigkampioen van Kameroen het Maandag die dood van Kobe, skaars 15 maande oud, op X gedeel.
“Ek het sy naam oor en oor geskree, maar hy het nie gereageer nie,” het Ngannou gedeel terwyl hy bygevoeg het dat Kobe vol lewe en vreugde was.
“Ek was die beste weergawe van myself wanneer ek langs hom was; nou weet ek nie meer wie ek is nie. [Dit] was te gou verby.”
Die 37-jarige sportster het die lewe bevraagteken.
“Hoekom is die lewe so onregverdig en genadeloos?” het sy inskrywing gelui.
“Hoe kan jy daarmee saamleef? Help my asseblief as jy weet, want ek weet regtig nie wat om te doen en hoe om dit te hanteer nie.”
Die bokswêreld het boodskappe van medelye op sosiale media gedeel.
Conor McGregor, UFC-vegter, het met Ngannou gesimpatiseer.
“My gebede is met jou en jou gesin in hierdie tyd.”
Marquel Martin, bestuurder, het versoek dat Ngannou en sy gesin se privaatheid in die moeilike tyd gerespekteer word.
“Ek sal saam met miljoene ander vir krag bid.”
Michael Buffer, veteraan-aankondiger, het gesê die hele sportwêreld is deur die nuus platgeslaan.
“Ons ondersteun Francis in hierdie tyd. Weet asseblief dat miljoene van ons vir klein Kobe met ons gebede omhels.”
Ngannou is verlede maand in Saoedi-Arabië deur Anthony Joshua geklop, skaars sy tweede swaargewig-nederlaag.
Hy het sy droom om mededingend te boks verwesenlik toe hy verlede Oktober teen die swaargewigkampioen Tyson Fury geveg het.
Gevegbeamptes het weliswaar beslis dat Ngannou verloor het, maar hy het sy stem dubbel en dwars op die geveg afgedruk en Fury moes sy storie ken om staande te bly.
Anthony Joshua leaving a comment on Francis Ngannou's post announcing the tragic death of his 15-month-old son… pic.twitter.com/B8owTkicL1
— Michael Benson (@MichaelBensonn) April 30, 2024
Francis Ngannou: Boxer and UFC star loses 15-month-old son https://t.co/n4T9SfW45q pic.twitter.com/dQNJGkn7GX
— Pulse Ghana (@PulseGhana) April 30, 2024
Baie hartseer. Geen ouer is veronderstel om n kind te begrawe nie.
Sterkte aan hierdie gesin. Dit is baie hartseer om kind aan dood af te staan.
My innige simpatie aan hom en sy gesin.
Baie tragies