Vrou spring uit motor oor spinnekop

Foto: Kosciusko County Sheriffs Department

Foto: Kosciusko County Sheriffs Department

ʼn Vrou van Indiana in die VSA het Vrydag uit ʼn bewegende motor gespring toe ʼn spinnekop oor haar skouer gekruip het.

Angela Kipp (35) het agteruit uit haar oprit gery toe sy die spinnekop gewaar en paniekerig geraak het. Haar negejarige seun was op die agterste sitplek toe sy uit die bewegende motor gespring het, berig WFTV. Die seun het na die voorste sitplek beweeg in ʼn poging om die motor te stop. Hy het egter per ongeluk die petrolpedaal in plaas van die rem getrap en die motor het ʼn skoolbus getref.

Die polisie het aan WFTV gesê die seun is met geringe beserings na ʼn hospitaal geneem. Daar was gelukkig nie passasiers op die bus toe die ongeluk gebeur het nie.

Die ondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Peet Schabort

Dalk moet mens maar nie oor jou skouer loer . . .

SNEL

My kind se ore sal seker nooit weer dieselfde wees nie, en ek sal skreeu tot ek uit stem uit hardloop, maar sit sal ek sit in die kar en n paar houe links en regs uitdeel tot ek Mr spider plat het, maar as dit nou n slang was….is ek op haar hakke teer se kant toe, as my hart dit so lank gaan hou.

bangbroek

klink soos iets wat ek sal doen……

broos

ek is jammer vir die seun, maar ek sou presies dieselfde gedoen het….

Andre

Jy sien…………….. spinnekoppe KAN karre afskryf !