Soorte resepte:

[Resep] Broekie

Broekie (Foto: Janie du Plessis)

Hoe kan mens dan verkeerd gaan met bruintjies, Oreo’s én koekies? Probeer hierdie Broekie-resep om jou gaste behoorlik te laat smul!

Koekies

Bestanddele

  • 170 g botter/margarien, gesmelt
  • 200 g klam bruinsuiker (treacle sugar)
  • 100 g witsuiker
  • 15 ml vanieljegeursel
  • 1 eier
  • 1 eiergeel
  • 250 g meel
  • 2 g bakpoeier

Metode

  1. Voorverhit oond tot 180 °C.
  2. Meng gesmelte botter, bruinsuiker en witsuiker tot goed gemeng.
  3. Klits die vanieljegeursel, eier en eiergeel in tot romerig.
  4. Sif die droë bestanddele by die bottermengsel in tot gemeng.
  5. Skep eetlepels vol in muffinpan wat met botter gesmeer is.
  6. Bak vir ongeveer 20 minute.
  7. Druk nou die Oreo-koekies in die halfgebakte koekies in.

Bruintjies

Bestanddele

  • ½ k olie
  • 1 k suiker
  • 2 t vanieljegeursel
  • 2 eiers
  • ¼ t bakpoeier
  • ⅓ k kakao
  • knippie sout
  • ½ k meel

Metode

  1. Voorverhit die oond tot 180 °C.
  2. Meng olie en suiker goed.
  3. Voeg vanieljegeursel en eiers en by en meng weer.
  4. Meng droë bestanddele in oliemengsel in.
  5. Gooi die beslag bo oor die koekies.
  6. Bak vir ongeveer 30 minute teen 180°C of tot mes skoon uitkom.

Resep: Janie Monsieur

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Gebak, Soetgoed

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae