Soorte resepte:

Resep-video: Bovril-en-kaas-rol

Bovril-en-kaas-rol (Foto: Janie Monsieur/Maroela Media)

Kikker ʼn gewone toebroodjie op met dié lekker rol. En dit is selfs lekkerder die volgende dag!

Bestanddele

  • 500-700 g winkeldeeg
  • 125 g-botteltjie Bovril
  • 250 g kaas
  • 150 ml room

Metode

  1. Bestrooi ʼn oppervlak met meel en rol die deeg daarop uit tot tussen ½ cm en 1 cm.
  2. Verhit die botteltjie Bovril effens in die mikrogolf sodat dit loperig is en verf dit dan oor die deeg. Bestrooi met kaas.
  3. Rol die deeg op en plaas dit op ʼn uitgevoerde bakplaat.
  4. Sny die rol in 4-5 cm dik stukke tot in die helfte; moenie heeltemal deursny nie.
  5. Giet room in die kepies en bo-oor die rol.
  6. Bak vir 20-25 minute teen 180 °
  7. Breek stukke af waar die kepies gesny is en eet warm.

Resep: Elana Barker

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Bykosse, Gebak, Resep-video's

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

PaulV ·

Bultong; ‘n mens sal nie eens die biltong kan proe nie – die Bovril sal heeltemal die smaak oorheers.

Adri ·

Bultong, ek sal liewer gebraaide spek byvoeg en die biltong apart eet!

Rolene ·

Dit klink lekker maar n hele botteltjie?
Is dit nie te skerp nie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.