Die Indian Wells-tennistoernooi het vir ʼn paar opskuddings in Kalifornië gesorg.
Stefanos Tsitsipas, die wêreld se derde beste speler, het teen Australië se Jordan Thompson (87ste op die ATP-ranglys) vasgeval.
Die eindtelling was 7-6, 4-6 en 7-6 in die Aussie se guns.
“Dit is ʼn onwerklike gevoel; boonop kon ek hierdie prestasie by ʼn ATP 1 000-toernooi vermag. Ek dink dit tel onder baie spelers gunstelingtoernooie en dit is pleinweg ongelooflik om vir Stefanos hier te klop,” het Thompson gesê.
Dan het Matteo Berrettini die onderspit teen Taro Daniel gedelf, terwyl Denis Shapovalov ook teen Ugo Humbert vasgeval het.
✌️ HIS SECOND TOP 10 WIN.
Look at what it means to @jordanthommmo2 ????@BNPPARIBASOPEN | #TennisParadise pic.twitter.com/GQp2kU6pCf
— ATP Tour (@atptour) March 10, 2023
Daniil Medvedev het egter sy goeie spelpeil voortgesit toe hy met Brandon Nakashima afgereken het. Die eindtelling was 6-4 en 6-3 in die Rus se guns.
Die Moskou-boorling het vroeër drie toernooie op ʼn streep gewen toe hy die ATP-silwerware in Rotterdam, Doha en Dubai omhoog gehou het.
Shining in #TennisParadise ????@DaniilMedwed knocks out Brandon Nakashima 6-4 6-3 at the @BNPPARIBASOPEN ???? pic.twitter.com/V7COGlAgog
— ATP Tour (@atptour) March 11, 2023
Uitslae:
Jordan Thompson klop Stefanos Tsitsipas met 7-6, 4-6 en 7-6
Emil Ruusuvuori klop Roberto Bautista Agut met 7-6 en 6-2
Cameron Norrie klop Wu Tung-lin met 6-2 en 6-4
Casper Ruud klop Diego Schwartzman met 6-2 en 6-3
Andrey Rublev klop Jiri Lehecka met 6-4 en 6-2
Frances Tiafoe klop Marcos Giron met 6-2 en 6-2
Daniil Medvedev klop Brandon Nakashima met 6-4 en 6-3
Taro Daniel klop Matteo Berrettini met 7-6, 0-6 en 6-3
Ugo Humbert klop Denis Shapovalov met 7-5 en 6-4
Alexander Zverev klop Pedro Cachin met 6-3 en 6-1
Maria Sakkari klop Shelby Rogers met 2-6, 6-4 en 6-0
Jessica Pegula klop Camila Giorgi met 3-6, 6-1 en 6-2
Jill Teichmann klop Belinda Bencic met 3-6, 6-3 en 6-3