Giniel laat wiel in die woestyn

Giniel de Villiers in sy Toyota. (Foto: X/Giniel de Villiers)

Suid-Afrika se Giniel de Villiers en Dennis Murphy het die eerste skof van die moordende Dakar-veldtydren in die derde plek afgesluit.

Die Toyota Gazoo Racing-deelnemers het net nege minute ná die uiteindelike skofwenners, Guillaume de Mévius en Xavier Panseri van Overdrive Racing, klaargemaak.

Dit was ʼn goeie dag vir die Toyota-manne: Benewens De Villiers en Murphy se sukses het die span van Lucas Moraes en Armand Monleon sesde geëindig, terwyl Guy Botterill en Brett Cummings sewende klaargemaak het.

TGR_W2RC: Let's celebrate #TGR's outstanding performance with a glance at their standings! #Dakar2024 #TGRW2RC #NotJustForSport #ThatGRFeeling #Hilux #TeamHilux #Repsol #SpeedMax #BFGoodridge #RedBull pic.twitter.com/nOGYJ4mO7z

— Toyota Gazoo Racing South Africa (@TGRSouthAfrica) January 6, 2024

Dit was egter ʼn moeilike dag vir Nasser Al-Attiyah.

Die verdedigende kampioen wil vanjaar vir die sesde keer in sy loopbaan met die Dakar-louere wegjaag. Maar hy het die wind van voor in sy Amerikaanse Hunter gekry.

Hy het saam met Mathieu Baumel die skof in die 21ste plek afgesluit; meer as 24 minute agter die voorlopers.

Here are some #Dakar2024 Stage 1 action shots. #TGR #BackTGRSA pic.twitter.com/p0PtCdoNlL

— Toyota Gazoo Racing South Africa (@TGRSouthAfrica) January 6, 2024

In die motorfietsafdeling het Botswana se Ross Branch die kollig gesteel.

Die 37-jarige ster, wat aan sy sesde Dakar-tydren deelneem, het vir Tosha Schareina te hulp gesnel nadat die Spaanse deelnemer geval het.

Die 25 minute wat hy gebruik het om sy teenstander te help, is van sy rentyd afgetrek en hy het die skof gewen.

Volgens Branch het hy nie twee keer gedink om vir Schareina te help nie.

“Ons moes stop en hulp verleen; dit is waarom ons hier is. As dit ek was wat op die grond gelê het, weet ek dat hy my ook sou gehelp het.”

#Dakar2024 SS1 ???? BIKES
Ross Branch who held the fastest time at the same point, stopped to assist the Honda factory rider, Tosha Schareina, hit the ground at km 240 hurt his arm.
He will be credited for this time at the finish.#iLEB | #Motorsport | #race #autoracing | #rally pic.twitter.com/oJ0yDDxETy

— Live Event Broadcast (@iLEBsa) January 6, 2024

Uitslae (eerste skof):

1. Guillaume de Mévius en Xavier Panseri (Overdrive Racing): 04:35:59
2. Carlos Sainz en Lucas Cruz (Team Audi Sport): 04:37:43
3. Giniel de Villiers en Dennis Murphy (Toyota Gazoo Racing): 04:45:17
4. Vaidotas Zala en Paulo Fiuza (X-Raid Arijus Team): 04:46:41
5. Romain Dumas en Max Delfino (Rebellion Racing): 04:48:17
6. Lucas Moraes en Armand Monleon (Toyota Gazoo Racing): 04:49:24
7. Guy Botterill en Brett Cummings (Toyota Gazoo Racing): 04:49:38
8. Yazeed Al Rajhi en Timo Gottschalk (Overdrive Racing): 04:49:38
9. Mathieu Searradori en Loic Minaudier (Century Racing Factory Team): 04:50:11
10. Mattias Ekstrom en Emil Bergkvist (Team Audi Sport): 04:50:19

Motorfiets-uitslae (eerste skof):

1. Ross Branch (Hero): 04:56:01
2. Ricky Brabec (Monster Energy): 05:06:55
3. Mason Klein (Korr Offroad): 05:07:20.