“Dit was ʼn hoendervleis-oomblik,” het Kent Main gesê nadat hy vandag die 46ste weergawe van die Kaapstad-fietstoer met sy tyd van 2:31:21 gewen het.
Die 28-jarige Johannesburg-boorling het in die pylvak van die wedren weggebreek van ʼn groep fietsryers en na die wenstreep laat waai. Eers met die eindpunt ʼn paar honderd meter weg kon hy ontspan en sy oorwinning begin vier.
“Dit was ʼn ongelooflike wedren. Dit was baie harde werk van die begin tot die einde, maar ek dink dinge het mooi vir ons uitgewerk. Dit is fantasties om met die louere weg te jaag.”
Daar was ʼn lekker tweestryd om die laaste plekke op die podium met die Britse bergfietsryer Charlie Aldridge wat voor Alan Hatherly klaargemaak het.
#CTCycleTour2024 Men: Kent Main wins the 2024 Cape Town Cycle Tour! pic.twitter.com/W2hAQu1ARJ
— Cape Town Cycle Tour (@CTCycleTour) March 10, 2024
In Kim le Court de Billot se afwesigheid – die verdedigende kampioen neem aan ʼn wedren in Nederland deel – het Tiffany Keep die vrouewedren gewen.
Sy het die wedren met haar tyd van 2:12:01 beklink nadat sy ook haar blitstrapvaardighede moes uitstal om oor die wenstreep te jaag.
“Sjoe, ons het op ʼn stadium nie geweet wie gewen het nie. Dit was super, super naby. Ek moes baie hard in die pylvak werk om vir S’annara [Grove] in te haal. Ja-nee, ek is baie tevrede met my vertoning,” het Keep gesê.
#CTCycleTour2024 Women: photo finish! S'annara Grove vs Tiffany Keep! pic.twitter.com/PFlvlcKUJM
— Cape Town Cycle Tour (@CTCycleTour) March 10, 2024
- Uitslae:
Mans:
- Kent Main: 2:31:21
- Charlie Aldridge
- Alan Hatherly
- Jaco Venter
Vroue:
- Tiffany Keep: 2:12:01
- S’annara Grove
- Vera Looser
- Carla Oberholzer.
#CTCycleTour2024 Men’s: What a race! Kent Main took the victory over Charlie Aldridge with Alan Hatherly rounding out the podium in 3rd.
????Kent Main 2:31:21.083
????Charlie Aldridge 2:31:35.337
????Alan Hatherly 2:31:36.757
4th Jaco Venter 2:31:36.867
5th Luke Moir 2:31:36.867 pic.twitter.com/soMaj13oGT— Cape Town Cycle Tour (@CTCycleTour) March 10, 2024
Dis jammer dat unieke deelnemers aan die CTCT nie as nuuswaardig beskou word nie.
Hierdie jaar het 2 ryers op eenwielfietse (Unicycles) deelgeneem en die wedren voltooi: Ethan Simpson (14 jaar – die jongste persoon om ooit die wedren te voltooi op ‘n unicycle ) met ‘n tyd van 07:37 en Jason Fivaz 30 sekondes na hom.