Max Verstappen – eerste in die VSA. (Foto: Twitter/Max Verstappen)
Max Verstappen se 50ste loopbaansege is ook in die sakkie nadat hy in die Amerikaanse Grand Prix koning gekraai het.
Die uitslag beteken dat hy nou Alain Prost (51 titels) en Sebastian Vettel (53 titels) in visier het.
Die 26-jarige Red Bull-renjaer het Sondag sesde weggespring en hy het stelselmatig die ander renjaers verbygesteek totdat hy die algehele voorloper was.
Hy moes egter later ʼn verbete aanslag van Lewis Hamilton in sy Mercedes-renmotor afweer, terwyl hy ook met sy remme gesukkel het.
“Dit is ongelooflik om my 50ste Grand Prix hier in Austin te vier. Ek is baie trots en sal harder werk om aan te hou wen,” het Verstappen gesê.
Hamilton is saam met Charles Leclerc ná afloop van die aksie gediskwalifiseer toe wedrenbeamptes tegniese ongerymdhede in hul renmotors raakgesien het.
Die sewemalige wêreldkampioen sou tweede geëindig het, terwyl Leclerc sesde in sy Ferrari klaargemaak het.
Al twee renspanne het verteenwoordigers gestuur om met die beamptes te praat, maar hul protes het op dowe ore geval.
BREAKING: Lewis Hamilton and Charles Leclerc have been disqualified from the 2023 United States Grand Prix for a technical infringement#F1 #USGP pic.twitter.com/HHNlf5urLW
— Formula 1 (@F1) October 23, 2023
Uitslae:
- Max Verstappen (Red Bull)
- Lando Norris (McLaren)
- Carlos Sainz (Ferrari)
- Sergio Perez (Red Bull)
- George Russell (Mercedes)
- Pierre Gasly (Alpine)
- Lance Stroll (Aston Martin)
- Yuki Tsunoda (AlphaTauri)
- Alex Albon (Williams)
- Logan Sargeant (Williams)
Jaerspunteleer:
- Max Verstappen: 466 punte
- Sergio Perez: 240 punte
- Lewis Hamilton: 201 punte
- Fernando Alonso: 183 punte
- Carlos Sainz: 171 punte
- Lando Norris: 159 punte
- Charles Leclerc: 151 punte
- George Russell: 143 punte
- Oscar Piastri: 83 punte
- Pierre Gasly: 56 punte
Vervaardigerspunteleer:
- Red Bull: 706 punte
- Mercedes: 344 punte
- Ferrari: 322 punte
- McLaren: 242 punte
- Aston Martin: 236 punte
