Argentinië het gisteraand vir Frankryk in ʼn briljante Wêreldbeker-sokkereindstryd geklop. En voor in die koor was ongetwyfeld Lionel Messi; die Suid-Amerikaners se inspirerende kaptein wat ʼn paar keer die agterkant van die doelnet gevind het.
Sportsterre wêreldwyd het die 35-jarige sokkerghoeroe met sy puik prestasie gelukgewens. Messi het immers die toekenning as die beste speler by die sokkerskouspel ontvang, terwyl hy ook aangedui het dat sy skitterende internasionale loopbaan nog nie iets van die verlede is nie.
“Die gordyn is inderdaad besig om op my loopbaan te sak, maar ek wil eers nog ʼn paar wedstryde as die wêreldkampioen speel,” het hy gesê.
Nou het Roger Federer hulde aan Messi en sy Argentynse spanmaats gebring.
“Dit is ʼn ware sprokiesverhaal, Argentinië! Jy en Lionel Messi het al keer op keer sportgrootheid herdefinieer. Dit is ʼn voorreg om jou dop te hou; baie geluk Leo,” het die Switserse tennislegende op sosiale media geskryf.
Op sy beurt het Rafael Nadal ook die Argentynse sokkerspan gelukgewens, terwyl Andy Murray ook Messi se lof saam met Federer besing het.
“Is Messi dalk die beste atleet van alle tye? Vergeet van sokker, wat ʼn mens,” het die Britse speler getwiet.
Is messi the best athlete of all time? Forget just football. What a man.
— Andy Murray (@andy_murray) December 18, 2022
Nodeloos om te sê was Argentynse sterre soos Diego Schwartzman en Juan Martin del Potro baie in hul skik met hul nasionale sokkerspan se vertoning.
Die twee spelers het trots foto’s van die span op sosiale media gedeel.
???????????????????????????????????? pic.twitter.com/GkE2UWO5nD
— diego schwartzman (@dieschwartzman) December 18, 2022