Dit is neusie verby vir Kevin Anderson en sy Australiese Ope-droom. Die 32-jarige Suid-Afrikaner is vanoggend vroeg (Suid-Afrikaanse tyd) deur die Amerikaner Frances Tiafoe geklop.
Anderson het die eerste stel 6-4 gewen en dit het gelyk asof hy té sterk vir Tiafoe sal wees. Maar daar het foute in sy spel ingekruip en hy het die daaropvolgende stelle verloor om uiteindelik 6-4, 4-6, 4-6, 5-7 die knie te buig.
Anderson het die vorige drie kragmetings tussen dié twee gewen. Dit is die eerste keer sedert 2015 dat hy verder as die eerste ronde van dié Grand Slam-toernooi vorder.
Die ou se spel is so op en af soos `n wipplank.