Karsten Warhol vier sy blitslopie. Foto: Anton Geyser/SASPA.
Noorweë se Karsten Warholm het gister weer eens die verbeelding van atletiekondersteuners aangegryp toe hy die wêreldrekord in die 400 m-hekkiesitem tot 45.94 sekondes verbeter het.
Niemand het nog ooit so vinnig oor die item se stel hekkies geseil nie en – soos wat dit maar met enige baanrekord gaan – begin jy onwillekeurig te wonder hoe hy in ander items sou gevaar het.
’n Mens kan so iets seker nooit met sekerheid sê nie, maar volgens Wêreldatletiek se voorspellings kon sy ekwivalente 400 m-tyd 42.75 sekondes gewees het. ’n Hele paar millisekondes vinniger as Wayde van Niekerk se wêreldrekordtyd van 43.03 sekondes.
Die Amerikaner Rai Benjamin se silwermedaljepoging van 46.17 sekondes is die tweede vinnigste 400 m-hekkiestyd nóg. En LJ van Zyl meen dat al twee sterre die 400 m-wêreldrekord kan verbeter indien hulle spesifiek daarvoor sou oefen.
Volgens die Suid-Afrikaanse rekordhouer is Benjamin vinniger oor 200 m en 400 m, maar Warholm is tegnies en takties ’n ongelooflike atleet.
“Warholm hardloop normaalweg tot by die negende hekkie teen ’n pas van 13 treë tussen elke hekkie, waarna hy na 15 treë oorskakel. Hierdie korter pasritme (tussen hekkie nege en tien) beteken dat hy later weer wenpaal toe kan versnel. Daarteenoor hardloop Benjamin regdeur teen ’n pas van 13 treë tussen elke hekkie,” het Van Zyl gesê.
Dit is egter nie net die mans wat blitsige 400 m-hekkiestye opstel nie.
Sydney McLaughlin het ook haar eie wêreldrekord verbeter. Foto: Javier Soriano/AFP.
Sydney McLaughlin het vanoggend net soos Warholm gemaak en haar eie wêreldrekord verbeter. Die 21-jarige Amerikaanse sensasie het die goue medalje met haar spogtyd van 51.46 sekondes gewen.
Dalilah Muhammad se silwermedaljepoging van 51.58 sekondes was ook vinniger as McLaughlin se eerste rekordtyd van 51.90 sekondes, terwyl Nederland se Femke Bol derde was in 52.03 sekondes.
- Karsten Warholm se ekwivalente tye (volgens Wêreldatletiek se voorspellings):
100 m: 9.62 sekondes
200 m: 19.25 sekondes
400 m: 42.75 sekondes
110 m-hekkies: 12.56 sekondes
#Olympic history!
At just 21 years, Sydney McLaughlin set a new world record in the women’s 400m hurdles – a record previously held by her from her US trials in Oregon this year (51.90).
???? Watch the latest highlights here: https://t.co/ieeknfINEH pic.twitter.com/jFP0ZKuFna
— SuperSport ???? (@SuperSportTV) August 4, 2021
You're about to watch #Olympics history!
Karsten Warholm wins the men's 400m hurdles and smashes the WR, going below 46 seconds for the first time ever ????
The 1st, 2nd, 3rd, 5th and 6th fastest times in Olympics history.
Latest #Tokyo2020 stories: https://t.co/15bT2bo1fT pic.twitter.com/7TreW2T8GZ
— SuperSport ???? (@SuperSportTV) August 3, 2021
Ja, Wereldatletiek, dis net voorspellings. Hoe lyk Bolt se voorspellings???
Dit gaan oor die DOEN daarvan. Net Wayde kon nog ‘n sub 10 100m, sub 20 200m en ‘n sub 44 400m hardloop