Roger Federer. Foto: Twitter.
Switserland se Roger Federer is die eerste tennisspeler in die geskiedenis om bo aan Forbes se lys vir hoogsbetaalde sportsterre te wees.
Die 38-jarige tennisheld het met sy $106 miljoen (ongeveer R1,8 miljard) vir Lionel Messi onttroon.
Veral Federer se borgskappe het die Forbes-wa deur die drif getrek – hy word onder ander deur Credit Suisse en Mercedes-Benz geborg.
Naomi Osaka.. (Foto: Mark Schiefelbein, AP)
Amper 52 000 entoesiastiese toeskouers het vroeër vanjaar Federer en Rafael Nadal se liefdadigheidswedstryd in Kaapstad bygewoon. In die proses het hulle die vorige bywoningsrekord met amper 10 000 toeskouers verbeter.
Sokkerspelers, Amerikaanse voetbalspelers en basketbalspelers het die lys oorheers.
Naomi Osaka, ook ’n tennisspeler, is die hoogsbetaalde vroue-atleet in die geskiedenis. Die 22-jarige het oor die afgelope jaar $37,4 miljoen se prysgeld bymekaar gemaak.
- Forbes se lys vir hoogsbetaalde sportsterre vir 2020:
- Roger Federer (tennis): $106 miljoen
- Cristiano Ronaldo (sokker): $105 miljoen
- Lionel Messi (sokker): $104 miljoen
- Neymar (sokker): $95,5 miljoen
- LeBron James (basketbal): $88,2 miljoen
- Stephen Curry (basketbal): $74, 4 miljoen
- Kevin Durant (basketbal): $63,9 miljoen
- Tiger Woods (gholf): $63,2 miljoen
- Kirk Cousins (Amerikaanse voetbal): $60,5 miljoen
- Carson Wentz (Amerikaanse voetbal): $59,1 miljoen
- Tyson Fury (boks): $57 miljoen
- Russell Westbrook (basketbal): $56 miljoen
- Lewis Hamilton (F1): $54 miljoen
- Rory McIlroy (gholf): $52 miljoen
- Jared Goff (Amerikaanse voetbal): $49 miljoen
- Conor McGregor (gemengde gevegskuns): $48 miljoen
- James Harden (basketbal): $47,8 miljoen
- Giannis Antetokounmpo (basketbal): $47, 6 miljoen
- Anthony Joshua (boks): $47 miljoen
- Deontay Wilder (boks): $46,5 miljoen
