Die Delhi Capitals het uiteindelik ná ses probeerslae ʼn wedstryd in die Indiese Premierliga (IPL) gewen nadat hulle die Kolkata Knight Riders met vier paaltjies geklop het.
Anrich Nortjé het ʼn deurslaggewende rol gespeel om die Knight Riders vir 127 lopies in 20 boulbeurte uit te knikker.
Die Protea-snelbouler het van Venkatesh Iyer en Umesh Yadav ontslae geraak om vir ʼn goeie boulontleding van 2/20 te sorg.
David Warner en Manish Pandey het daarna toegesien dat die Capitals die wedstryd in die laaste boulbeurt van hul kolfwerkpoging beklink het.
Dan lyk dit of die einde van Faf du Plessis se vuurwerkvertoning nog nie in sig is nie.
Die voormalige Suid-Afrikaanse krieketkaptein het 84 vinnige lopies vir die Royal Challengers Bangalore in hul kragmeting teen die Punjab Kings gemoker.
Du Plessis het tien grenshoue in sy warrelwindbeurt geslaan en hy is steeds die voorste lopiemaker in die toernooi.
In ses wedstryde het hy 343 lopies teen ʼn gemiddeld van 68 en ʼn treftempo van 166 vir sy span aangeteken.
Warrior Mentality ????
Fought through the pain and played a brilliant knock. Just sheer commitment to the cause by @faf1307! ????#PlayBold #ನಮ್ಮRCB #IPL2023 #PBKSvRCB pic.twitter.com/HJE9Ytw2g2
— Royal Challengers Bangalore (@RCBTweets) April 20, 2023
Opsomming van telkaarte:
- Delhi Capitals teen Kolkata Knight Riders
Kolkata Knight Riders 127/10 in 20 boulbeurte: Jason Roy 43, André Russell 38* en Anrich Nortjé 2/20.
Delhi Capitals 128/6 in 19,2 boulbeurte: David Warner 57, Manish Pandey 21 en Varun Chakravarthy 2/19.
Uitslag: Delhi Capitals wen met vier paaltjies.
- Royal Challengers Bangalore teen Punjab Kings
Royal Challengers Bangalore 174/4 in 20 boulbeurte: Faf du Plessis 84, Virat Kohli 59 en Harpreet Brar 2/31.
Punjab Kings 150/10 in 18,2 boulbeurte: Prabhsimran Singh 46 en Mohammed Siraj 4/21.
Uitslag: Royal Challengers Bangalore wen met 24 lopies.
‘Vuurwerk’ Faf is die Baas van Bangalore!