Kagiso Rabada vier Virat Kohli se paaltjie in een van die twee spanne se vorige wedstryde. Foto: Prakash Singh/AFP.
Ondanks die nuwe Omikron-variant en oorsese sportspanne wat links en regs wedstryde teen Suid-Afrikaanse teenstanders kanselleer, sal Indië se krieketspan steeds later die maand teen die Proteas kragte meet.
Virat Kohli en kie sal drie toetse en drie eendagwedstryde teen die Suid-Afrikaners speel, terwyl die vier T20-kragmetings op ’n latere datum beslis sal word.
Die nuus is deur Krieket Suid-Afrika (KSA) op sosiale media bevestig, terwyl Jay Shah (sekretaris van die Indiese Krieketraad) ook in ’n onderhoud gesê het dat die toer voortgaan; al is dit ’n verkorte weergawe.
Volgens ’n KSA-verklaring sal die wedstryde in ’n streng bio-veilige omgewing gespeel word.
“KSA het hierdie maatreëls van wêreldgehalte ingestel om te verseker dat alle spelers, spanlede en beamptes binne hierdie omgewing beskerm word.”
Die Indiese toergroep vertrek nou ook ’n week later as wat aanvanklik beplan is en daar sal waarskynlik aan die bepalings gekarring moet word.
Tog is dit welkome nuus dat die Proteas wel teen die Indiërs sal kragte meet – veral nadat die Nederlandse toergroep ná net een wedstryd hulle tasse weer vir Amsterdam gepak het.
In die begin van die jaar het Australië ook geweier om na Suid-Afrika te toer en KSA het na raming ’n verlies van R40 miljoen gely.
Op die rugbyfront het Munster, Cardiff, Scarletz en Zebre ook Suid-Afrika verlaat sonder om ’n wedstryd teen plaaslike spanne te speel.
Indië se A-krieketspan is egter steeds in die land waar hulle nie-amptelike toetswedstryde teen Suid-Afrika A speel.
Die tweede wedstryd tussen die twee spanne het onbeslis in Bloemfontein geëindig; die derde kragmeting begin Maandag by dieselfde venue.
INDIA TOUR TO SOUTH AFRICA CONFIRMED ✅
CSA can confirm that the #SAvIND Tour will go ahead as originally planned but will be reduced ????
3️⃣ Tests
3️⃣ ODIsThe 4 T20I matches will be rescheduled in the new year#BePartOfIt pic.twitter.com/Kq6WY0fyuJ
— Cricket South Africa (@OfficialCSA) December 4, 2021
Bly weg aub – ons wil nie ons kniekruipers laat speel nie !!!!!!!!
Maar jy lees en lewer kommentaar – belaglik
Wie’s ons? Almal kniel so waarvoor ondersteun jy dan nog krieket? Sien uit na ‘n bietjie sport veral omdat dit op gratis tv is, iets wat so skaars soos hoendertande is in SA.