Quinny vou, maar Marcus speel barshou

Marcus Stoinis laat waai teen MS Dhoni se Chennai Super Kings. (Foto: X/Lucknow Super Giants)

Marcus Stoinis het die hoogste telling nóg in ʼn suksesvolle Indiese Premierliga-lopiejaagtog geslaan toe sy onoorwonne beurt van 124 lopies die wa deur die drif vir die Lucknow Super Giants teen die Chennai Super Kings getrek het.

Die gespierde Australiër het met mening onder die Super Kings-boulers op hul tuisveld ingeklim nadat Quinton de Kock vir ʼn nulletjie deur Deepak Chahar skoongeboul is.

Hy het 19 grenshoue in sy beurt van 63 balle gemoker en hy het die wedstryd met ʼn vier van Mustafizur Rahman se boulwerk vir sy span gewen.

Die oorwinning beteken dat die Super Giants nou die vierde plek op die amptelike punteleer beklee, terwyl die Super Kings vyfde is.

TAKE. A. BOW Marcus Stoinis ????????

Magnificent knock under pressure and he gets his side over the line ????

Recap the match LIVE on @StarSportsIndia and @JioCinema ????????#TATAIPL | #CSKvLSG | @LucknowIPL pic.twitter.com/3rlRLvftDO

— IndianPremierLeague (@IPL) April 23, 2024

Faf du Plessis en sy Royal Challengers Bengaluru-spanmaats swaai tans die houtlepel in die mik-en-moker-toernooi rond.

Hulle kon nog net een wedstryd in agt probeerslae wen.

• Opsomming van die telkaart:

Chennai Super Kings 210/4 in 20 boulbeurte: Ruturaj Gaikwad 108*, Shivam Dube 66 en Mat Henry 1/28.

Lucknow Super Giants 213/4 in 19,3 boulbeurte: Marcus Stoinis 124*, Nicholas Pooran 34 en Matheesha Pathirana 2/35.

• IPL-punteleer:

1. Rajasthan Royals: 14 punte ná agt wedstryde
2. Kolkata Knight Riders: 10 punte ná sewe wedstryde
3. Sunrisers Hyderabad: 10 punte ná sewe wedstryde
4. Lucknow Super Giants: 10 punte ná agt wedstryde
5. Chennai Super Kings: 8 punte ná agt wedstryde
6. Gujarat Titans: 8 punte ná agt wedstryde
7. Mumbai Indians: 6 punte ná agt wedstryde
8. Delhi Capitals: 6 punte ná agt wedstryde
9. Punjab Kings: 4 punte ná agt wedstryde
10. Royal Challengers Bengaluru: 2 punte ná agt wedstryde