Tony de Zorzi. (Foto: X/DomesticCSA)
Die Westelike Provinsie se krieketspan het ʼn tree nader aan meerdaagse krieketglorie in Johannesburg gegee.
Die Kapenaars het die hef in die hand ná die tweede dag se spel teen die Lions.
Die besoekers het 312 lopies in antwoord op die tuisspan se eerstebeurttelling van 225 aangeteken en boonop kon hulle twee vinnige paaltjies net voor uitskeityd neem.
Tony de Zorzi (51 lopies), Daniel Smith (60 lopies) en Gavin Kaplan (60 lopies) het vyftigtalle geslaan, terwyl ʼn aggressiewe Edward Moore die bal aan die rol gesit het met 45 vinnige lopies.
Tshepo Moreki het egter met die bal vir die Lions uitgeblink en hy het gereeld paaltjies laat kantel om te sorg dat die Kapenaars se voorsprong nie té groot is nie.
Maar ná net agt boulbeurte het die tuisspan met sy telling op 10/2 gesteier; nog 77 lopies weg van die WP se telling.
Dane Paterson het weer eens vir ʼn kolfwerkkopseer gesorg.
- Opsomming van die telkaart:
Lions 225/10 in 73 boulbeurte: Delano Potgieter 81, Wiaan Mulder 41 en Dane Paterson 5/31.
Westelike Provinsie 312/10 in 84,3 boulbeurte: Daniel Smith 60, Gavin Kaplan 60 en Tshepo Moreki 5/65.
Lions 10/2 in 8 boulbeurte: Dane Paterson 1/4.
???? CHANGE OF INNINGS
Tshepo Moreki with some exquisite piece of bowling to earn himself a 5er as the Lions claw their way back in the final ????
2️⃣ fifers so far in the #4DaySeries final????
????Lions 2️⃣2️⃣5️⃣
????WP 3️⃣1️⃣2️⃣???? WP lead by 87 runs #WozaNawe #BePartOfIt pic.twitter.com/wc2ZOfVp16
— DomesticCSA (@DomesticCSA) February 29, 2024
