David Kriel is saam met Harold Vorster die Bulls se senterkombinasie. (Foto: GB Jordaan)
Die Kampioenebeker-kragmeting tussen die Bulls en die Bristol Bears begin oor net ʼn paar uur en die Pretorianers is in ʼn veglustige bui.
“Dit is eenvoudig. Ons is hier om te wen,” het Jake White, die Bulls se direkteur van rugby, gesê.
Volgens die 60-jarige afrigter, wat in 2007 die Webb Ellis-trofee saam met John Smit se Springbok-span omhoog gehou het, is dit ʼn deurslaggewende stryd vir al twee spanne.
“Dit is as’t ware ʼn maak-of-breek-wedstryd vir ons en die Bears. Die span wat vandag wen is so te sê verseker van ʼn plek in die uitspeelwedstryde van die toernooi.”
Die Bulls is tans derde in Groep 1 van die Kampioenebeker, terwyl Bristol die vyfde plek beklee. Al twee spanne het egter vyf ligapunte ná hul paar kragmetings.
“Dit is ʼn taai kompetisie. Om een wedstryd te wen en die ander te verloor het ons in die middel van die groep gelos en dié kragmeting sal vir ons meer duidelikheid gee oor waar ons kan eindig. Dit gaan ʼn definitiewe invloed op ons pad vorentoe hê – veral wat beplanning- en reisdoeleindes betref.”
Harold Vorster is weer fiks en hy sal saam met David Kriel in die middeveld diens doen.
“Harold se ervaring is van groot waarde en hy speel goed saam met David. Terselfdertyd maak Ruan Nortjé en Ruan Vermaak ook hul terugkeer en dit sorg vir bykomende diepte.”
Die wedstryd begin om 17:15 en die aksie word regstreeks op SuperSport uitgesaai.
Hard work, pays off. #BackTheBulls@Vodacom pic.twitter.com/2t9dPfe7g3
— Official Blue Bulls (@BlueBullsRugby) January 12, 2024
Bulls: Devon Williams (heelagter), Sebastian de Klerk (regtervleuel), David Kriel (buitesenter), Harold Vorster (binnesenter), Sergeal Petersen (linkervleuel), Johan Goosen (losskakel), Embrose Papier (skrumskakel), Mpilo Gumede (agtsteman), Elrigh Louw (flank), Marcell Coetzee (kaptein en flank), Reinhardt Ludwig (slot), Ruan Vermaak (slot), Wilco Louw (stut), Jan-Hendrik Wessels (haker) en Gerhard Steenekamp (stut). Plaasvervangers: Simphiwe Matanzima, Tiaan Lange, Kutha Mchunu, Ruan Nortjé, Deon Slabbert, Keagan Johannes, Chris Smith en Henry Immelman.
Bristol Bears: Max Malins (heelagter), Noah Heward (regtervleuel), Benhard Janse van Rensburg (buitesenter), James Williams (binnesenter), Gabriel Ibitoye (linkervleuel), AJ MacGinty (losskakel), Kieran Marmion (skrumskakel), Magnus Bradbury (agtsteman), Dan Thomas (flank), Steven Luatua (kaptein en flank), Joe Batley (slot), Josh Caulfield (slot), George Kloska (stut), Gabriel Oghre (haker) en Sam Grahamslaw (stut). Plaasvervangers: Will Capon, Jake Woolmore, Max Lahiff, Joseph Owen, Jake Heenan, Harry Randall, Virimi Vakatawa en Richard Lane.
- Spanne se vorige uitslae:
Bulls:
53 – 27 teen Connacht
44 – 10 teen die Sharks
27 – 16 teen Saracens
28 – 29 teen Lyon
20 – 26 teen die Stormers
Bristol Bears:
20 – 36 teen Sale Sharks
21 – 22 teen Exeter Chiefs
36 – 21 teen Gloucester
36 – 34 teen Lyon
17 – 36 teen Bordeaux
????GAME DAY ????
???? Bristol Bears v @Vodacom Bulls
???? Ashton Gate
⏰ 17:15
???? Investec Champions Cup
???? Supersport 211
????️ BullsEye Commentary #BackTheBulls pic.twitter.com/wufVwCqb0M— Official Blue Bulls (@BlueBullsRugby) January 13, 2024
