André Esterhuizen verdien nog ’n Springbok-kans. Foto: Marco Longari/AFP.
Suid-Afrika se André Esterhuizen se vuurwarm vertonings in die kleure van Harlequins in die Engelse Premierskap is deur sy medespelers raakgesien.
Die voormalige Sharks-senter is gister deur die Rugby Players’ Association (RPA) vereer toe hy as die spelers se speler van die jaar aangewys is.
“Dit is ’n ongelooflike eer om hierdie toekenning te ontvang. Wat dit selfs meer spesiaal maak, is die feit dat my spanmaats én teenstanders vir my gestem het,” het Esterhuizen gesê.
Die 28-jarige oudleerder van Hoërskool Klerksdorp se statistieke sorg vir indrukwekkende leesstof: In 23 wedstryde vir sy klub het hy 48 punte (danksy agt drieë, twee strafskoppe en ’n doelskop) aangeteken.
Hy het onder meer die wendrie in Harlequins se spogsege teen die kampioenskap-voorloper, Leicester Tigers, gedruk, terwyl hy ook in Januarie as die Premierskap se speler van die maand aangewys is.
Volgens Ugo Monye, die voormalige Engeland-vleuel, kan Esterhuizen amper enigiets op die rugbyveld doen.
“André beskik oor al die belangrikste eienskappe wat ’n mens van ’n topsenter verwag – hy kan die bal uitstekend dra, sy verdediging is briljant terwyl hy ook nie vir ’n tweestryd by die afbreekpunte terugstaan nie,” het Monye gesê.
Esterhuizen het al in ’n paar toetse vir die Springbokke gespeel (sy laaste wedstryd in die Groen-en-goud was teen Argentinië in 2019), maar sy spelpeil regverdig ongetwyfeld meer kanse om sy stempel op die internasionale verhoog af te druk.
???? Congratulations to Andre Esterhuizen and @dannycare who were both honoured at @theRPA Awards last night. #COYQ
— Harlequins ???? (@Harlequins) May 26, 2022
Goeie werk Andre.
Tragies dat hierdie skitterende senter nie in die Springbokspanne van die afgelope klompie jare is nie.
In wie se plek? Hy’s nie naastenby so goed soos De Allende nie. Ongelukkig vir hom is daar beter spelers in sy posisie, selfs Frans Steyn is beter. Hy kan ook net binne-senter speel, te stadig andersins.
Die toekenning wat Esterhuizen ontvang het, getuig van groot respek onder mede spelers.
Van veel groter waarde is die teenstanders se agting en erkenning vir sy vaardighede as senter in besonder, maar ook sy uitstekende agterspelerspel, soos Ugo Monye in die berig hierbo dit stel.
Weens die afwesigheid van onlangse geleenthede om op die speelveld te kompeteer is enige vergelykings met De Allende en Frans Steyn(35) ‘n sinnelose oefening.
Briljante spelers soos Andre Esterhuizen en Jan Serfontein hoort op meriete vir die springbok span te speel
Baie beter senters in S. A. ons moet nie die Engelse se siening ernstig opneem… Bokke het ‘n nuwe spelpatroon. Esterhuizen is te stadig daarvoor, kan nie almal uit die aarde wil probeer hardloop nie; op internasionale vlak sal hy gereeld’ ge-Owen Farrell ‘ word.
Jy ken jou rugby Pieter9. Esterhuizen het jare vir die Sharks gespeel, ons ken hom goed, sy sterkpunte en swakpunte. Feit van die saak is daar is beter spelers in die Bok-span.
Julle speel te veel rugby op playstation. En ons praat nie van sy verlede nie. Ons kyk ma sy huidige spel.
Baie geluk André, iets om op trots te wees!