Owen Farrell, Engeland se rugbykaptein, het op die vooraand van die toets teen Tonga positief vir Covid-19 getoets.
Die 30-jarige speler sou as losskakel op Twickenham uitgedraf het. Hy het vandag se laaste oefensessie misgeloop en is sedert in self-isolasie.
Farrell sal egter weer later vandag getoets word en volgens Britse mediaberigte is daar selfs nog ’n moontlikheid dat hy môre in sy 100ste internasionale toets sal kan speel.
Indien die Saracens-speler steeds onbeskikbaar is, sal Engeland tussen Marcus Smith en George Furbank moet kies om sy skoene vol te staan.
Die talentvolle Smith sukkel egter met ’n besering, terwyl Furbank nog ’n groentjie op die internasionale verhoog is.
“Owen is in isolasie en ons volg die normale regulasies terwyl ons wag om te sien wat volgende gebeur. Almal in die groep sal weer getoets word en hopelik sal Owen gereed wees om te speel,” het Richard Cockerill (assistent-afrigter) gesê.
Benewens die Tonga-wedstryd sal Engeland in die komende weke ook vir Australië en Suid-Afrika op Twickenham gasheer speel.
Owen Farrell will miss today’s Captain’s Run training session after receiving a positive PCR test result for COVID. He will remain in isolation and will be LFT and PCR tested again today.
All other player and staff PCR test results received are negative. pic.twitter.com/0a5lCydhmY
— England Rugby (@EnglandRugby) November 5, 2021
Okay !
So hy’t ‘n erge verkoue. So what. He’ll get over it. Derduisende mense oorleef die sogenaamde covid.