Cheslin Kolbe het sy stralerskoene aangetrek en ʼn skop uitstekend opgevolg om sy eerste drie in die kleure van Suntory Sungoliath in Japan te druk.
Die Suid-Afrikaanse blits het in die 63ste minuut van die wedstryd teen die Kobe Steelers munt uit Rakuhei Yamashita se blaps geslaan om ʼn blitslopie perfek af te rond.
Dit wys jou maar net weer dat ʼn mens nooit moed moet verloor wanneer jy ʼn skop agternajaag nie; selfs al was die skopper se poging maar bra doelloos.
Die Sungoliath-span het die kragmeting met 44 – 36 beklink.
Cheslin Kolbe scoring his debut League One try. pic.twitter.com/9AGhUnoO1S
— Darren (@SaffasRugby) January 6, 2024
Die 30-jarige Kolbe het verlede jaar ʼn kontrak met die Japanse klub onderteken nadat hy vir ses jaar sy vernuf in Frankryk – vir Toulon en Toulouse – uitgestal het.
“Ek is baie opgewonde om te bevestig dat ek deel van die Suntory Sungoliath-opset sal word. Dit is ʼn nuwe hoofstuk en uitdaging in my loopbaan en ek wil almal bedank wat die skuif moontlik gemaak het,” het Kolbe destyds gesê.
First one for the year. Great to get the W and score my first try for @sungoliath. Last match for the family too ♥️.
Arigatōgozaimasu to all the supporters ⚫️???????? pic.twitter.com/Cp6rTtffI0
— Cheslin Kolbe (@CheslinKolbe) January 6, 2024
In ander wedstryde het Kwagga Smith ʼn barshou vir die Shizuoka Blue Revs in hul oorwinning van 62 – 13 teen Honda gespeel.
Die Springbok-losvoorspeler het twee drieë in die kragmeting gedruk en hy is welverdiend as die speler van die wedstryd aangewys.
Uitslae van die naweek se wedstryde in Japan:
Black Rams 41 – 14 Kintetsu Liners
Wild Knights 43 – 27 Toyota Verblitz
Suntory Sungoliath 44 – 36 Kobe Steelers
Shizuoka Blue Revs 62 – 13 Honda
Canon Eagles 40 – 35 Mitsubishi DynaBoars
Toshiba Brava Lupus 24 – 20 Kubota Spears.
Player of the Match????
///#クワッガ・スミス
Kwagga Smith
\誰もが認める大活躍。様々なところで強みを見せ、自身も2TRY!ジャッカルを決めたシーンでは会場も大いに盛り上がり、今シーズン最初のPOM選出となりました????✨????
Congratulations Kwagga!!????#静岡ブルーレヴズ pic.twitter.com/1ZZvphGFy9
— 静岡ブルーレヴズ SHIZUOKA BlueRevs???????? (@bluerevs) January 7, 2024
Wonderlik weerklink Shosoloza in die agtergrond!!!
Dom vraag, maar waar kan ek hierdie wedstryde kyk?