Duane Vermeulen sal Sondag in Tokio sy 50ste wedstryd in die nommeragttrui vir die Bokke speel – die meeste nóg deur ’n Suid-Afrikaanse speler in dié posisie.
Die oudleerder van Hoërskool Nelspruit het in die opbou tot die naweek se Wêreldbeker-kwarteindstryd teen Japan sy spanmaats gewaarsku – die Bokke moet hulle staal vir ’n blitsige Japannese aanslag.
“Jy weet eintlik wat op pad is, maar jy moet jou steeds daarvoor staal en die aanslag op die dag afweer – dit is die heel belangrikste vir ons,” het Vermeulen gesê.
Japan het vir die kwarteindstryd gekwalifiseer deur al vier hul groepwedstryde te wen. Dit is die eerste keer in hul rugbygeskiedenis dat hulle verder as die groepfase vorder.
Intussen benodig Handré Pollard net drie drieë om Morné Steyn se rekord vir die meeste drieë deur ’n Bok-losskakel te verbeter.
Steyn het agt drieë vir die Springbokke gedruk.
Baie geluk Duane……jy is ‘n yster !!
Juffrou: “Erroll, gebruik die woord “verdwyn” in ‘n sin.”
Errol: “Rassie sê vir Eben Etzebeth hy moet die bal Verdwyn Vermeulen gee as hy getackle word.”
Geluk Duane, jy maak ons trots!!
Ek dink julle het dit vekeerd hy het sy 50 st deel All blacks gespeel
Lees weer!
Dis tyd dat Vermeulen sy kant bring. Made one tackle and missed four in his last test.
Ek sien Faf is bo Reinach gekies! Dwase groot fout. Gaan ons die RWC kos. Geheel wn al te stadig. Telegrafeer sy “next move” en die opponente lees hom soos ‘n boek.
Ek stem, Faf is hopeloos te stadig en te voorspelbaar.