Die Blitsbokke het die eerste dag van die Dubai-sewestoernooi onoorwonne afgesluit nadat hulle met Samoa, Kanada en Nieu-Seeland afgereken het.
Die Suid-Afrikaners het die beste vir laaste gelos toe hulle met ʼn uitstekende terugvegpoging teen die Kiwi’s vorendag gekom het om ʼn aksiebelaaide wedstryd met 21 – 19 te wen.
Selvyn Davids se span het nie vir ʼn rustydagterstand van 19 – 7 geskrik nie en hulle het 14 onbeantwoorde punte in die tweede helfte aangeteken.
Ronald Brown het die eerste van die Blitsbokke se twee drieë ná rustyd gedruk, terwyl hy ook in die kol met ʼn belangrike doelskoppoging was nadat Masande Mtshali die Nieu-Seelandse verdedigers geflous het.
Suid-Afrika speel Sondag (om 08:58) in die bekerkwarteindstryd teen Australië.
The @Blitzboks have turned this around ????
A quality finish to win the match before the final whistle ????#HSBCSVNS | #HSBCSVNSDXB pic.twitter.com/TRTzhe4FMG
— HSBC SVNS (@SVNSSeries) December 2, 2023
Uitslae:
- Suid-Afrika 22 – 14 Samoa
Puntemakers: Drieë: Christie Grobbelaar, Rosko Specman, Shilton van Wyk en Impi Visser. Doelskop: Justin Geduld.
- Suid-Afrika 35 – 14 Kanada
Puntemakers: Quewin Nortjé (2), Shilton van Wyk, Christie Grobbelaar en Selvyn Davids. Doelskoppe: Justin Geduld (3).
- Suid-Afrika 21 – 19 Nieu-Seeland
Puntemakers: Quewin Nortjé, Ronald Brown en Masande Mtshali. Doelskoppe: Ronald Brown (2) en Justin Geduld.