Suid-Afrika se vrouesewesspan het vir Groot-Brittanje en Spanje geklop. (Foto: X/SA Women’s Rugby0
Die nasionale vrouesewesspan is besig om die kanonvoer-etiket af te skud. Die Suid-Afrikaners het vandag twee agtereenvolgende wedstryde by die Perth-sewestoernooi gewen.
Hulle het eerstens ’n goeie oorwinning van 14 – 12 teen Groot-Brittanje behaal, waarna hulle Spanje met 12 – 7 geklop het.
Die span speel nou Sondag om 05:31 teen Brasilië om die negende plek in die toernooi uit.
Om die Suid-Afrikaners se jongste vertonings in perspektief te plaas: Die sege teen die Britte was skaars hul tweede oorwinning in 13 probeerslae van die nuwe sewesseisoen.
Maria Tshiremba gaan nog lank haar drie teen Groot-Brittanje onthou, terwyl Nadine Roos gereeld met die skopskoen uitgeblink het.
Haar suksesvolle doelskoppogings het ’n deurslaggewende rol in die oorwinnings gespeel.
Here’s the try by Tshiremba that claimed the victory ????????#HSBCSVNS | #HSBCSVNSPER | @WomenBoks https://t.co/KCOG0rkVpg pic.twitter.com/tI9IFVGMkn
— HSBC SVNS (@SVNSSeries) January 27, 2024
- Puntemakers:
Teen Spanje:
Suid-Afrika: Drieë: Zintle Mpupha en Nadine Roos. Doelskop: Roos.
Teen Groot-Brittanje:
Suid-Afrika: Drieë: Simamkele Namba en Maria Tshiremba. Doelskoppe: Roos.
Uitslae in Perth:
Suid-Afrika 0 – 31 Australië
Suid-Afrika 7 – 26 Kanada
Suid-Afrika 14 – 12 Groot-Brittanje
Suid-Afrika 12 – 7 Spanje
SA vroue: Zintle Mpupha, Shona-Leah Weston, Simamkele Namba, Liske Lategan, Kyla de Vries, Kemisetso Baloyi, Shiniqwa Lamprecht, Mathrin Simmers, Nadine Roos, Eloise Webb, Marlize de Bruin, Maria Tshiremba en Byrhandré Dolf.
