Dit lyk of Willie le Roux se tyd in Japan binnekort iets van die verlede kan wees.
Die ervare Springbok-heelagter het op Twitter sy Toyota Verblitz-spanmaats en die klub se ondersteuners vir ʼn “ongelooflike” vier jaar bedank.
“Ek waardeer die geleentheid wat ek gehad het om so ʼn wonderlike klub te verteenwoordig, arigato,” het Le Roux getwiet.
Die 33-jarige agterspeler, wat in 2019 die Webb Ellis-trofee saam met die Springbokke in Japan omhoog gehou het, het in dieselfde jaar deel van die Verblitz-opset geword nadat hy vir ʼn paar seisoene vir Wasps in Engeland uitgedraf het.
I’d like to thank the staff and my team mates for an epic 4 years and, to our wonderful fans for always being so supportive. I appreciate the opportunity to have represented such a great team, Arigato @toyotaverblitz ???????? pic.twitter.com/9BFKuiq1ke
— Willie le roux (@wjjleroux) April 25, 2023
Hoewel hy niks van sy toekomsplanne verklap het nie, word daar in riemtelegramme bespiegel dat die Stormers dalk in die ry staan om sy handtekening te bekom.
Le Roux is in Stellenbosch gebore en hy het sy skoolloopbaan aan Paul Roos Gimnasium voltooi.
Terselfdertyd het Jake White ook al vantevore gesê dat die Bulls meer Springbok-spelers in sy geledere soek as die Pretoria-franchise suksesvol in Europa wil wees.
Hy het sy stempel in die Springbokke se jaareindtoer na Europa afgedruk toe hy saam met spelers soos Cheslin Kolbe en Kurt-Lee Arendse sommer so vanuit hul eie halfgebied met die bal gehardloop het.
Le Roux het sy internasionale buiging in 2013 teen Italië in Durban gemaak en hy het die Springbokke reeds in 83 toetse verteenwoordig waarin hy 13 drieë gedruk het.
Hoop maar hy geniet sy oudag met koffie op die stoep. Dan kan hy , Frans Steyn en Bischmark oor die goeie ou tye gesels. Ek hoop van harte nie hy is van voorneme om nog vir n SA span te speel nie. Hul ontneem jong opkomende spelers van geleenthede
Ek dink sy sell by date het aangebreek.
Dankie. Stem 100 % saam. Wens net sekere ander “oud” spelers besef dit ook. Hul tans soos n 3de wiel aan die by ander spanne