Bruin dwerg nou vrydrywende planeet

Bruin dwerg nou vrydrywende planeet (Foto: Nasa)

Wat eens beskou is as een van die naaste bruin dwergplanete aan die aarde, blyk nou eintlik ’n vrydrywende planeet te wees.

Wetenskaplikes van die Carnegie-instituut het pas SIMP0136 van bruin dwerg tot planeet herklassifiseer nadat vasgestel is dat sy massa net-net binne die perke van ’n planeet val.

Die temperatuur van die hemelliggaam is egter 830 grade Celsius, en dit sal nog 10 miljard jaar neem om nul te bereik, en uiteindelik tot minus 270 grade afkoel.

Die planeet se massa is bereken deur die grootte en die ouderdom van die liggaam te vergelyk.

Om die ouderdom te bereken, is sy snelheid met dié van nabygeleë hemelliggame waarvan die ouderdomme bepaal is, vergelyk, en dit het geblyk identies te wees met ’n groep bekend as Carina-Near. Carina-Near se ouderdom is 200 miljoen jaar.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Kofi met plan ·

Vir duidelikheid, voor die samesweerders teoriste uit die takelwerk begin kruip…. Hierdie bruin dwerg is nie naby die aarde of binne-in ons sonnestelsel nie. Dis 20 ligjare weg in die sterrestelsel Pisces (die Vis).

Paul ·

Die beginsin moet sekerlik van ‘n “bruin dwergster” praat, nie “planeet” nie. Is die punt nie juis dat dit herklassifiseer is vanaf ‘n ster tot ‘n planeet nie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.