Lisa Marie Presley en haar seun, Benjamin Keough. (Foto: Instagram)
Benjamin Keough, seun van Lisa Marie Presley en kleinseun van die musiek-ikoon Elvis Presley, is in Calabasas, Kalifornië, dood.
Keough was 27 jaar oud. Roger Widynowski, Lisa Marie se verteenwoordiger, het Sondag die nuus aan CNN bevestig.
Volgens TMZ en Deadline het Keough homself om die lewe gebring. Widynowski het egter nie oor die omstandighede of die datum van sy dood uitgewei nie.
“[Sy] is heeltemal hartgebroke, ontroosbaar en vernietig,” het Widynowski in ʼn verklaring oor Lisa Marie gesê.
“Sy probeer hard om sterk te bly vir haar 11-jarige tweeling en haar oudste dogter Riley. Sy het daardie seun verafgod. Hy was die liefde van haar lewe.”
Die musikant en akteur het selde in die openbaar verskyn; sy sterk fisieke ooreenkoms met sy bekende oupa was egter opvallend. Priscilla Presley is sy ouma. Keough se pa is die musikant Danny Keough.
-
- Lisa Marie Presley (tweede van links) saam met haar 11-jarige tweeling, dogter Riley Keough en Benjamin Keough (heel regs). (Foto: Instagram)
-
- Elvis Presley en Priscilla Presley saam met Lisa Marie as baba. (Foto: Instagram)
Hoe hartseer…… Geld en roem kan nie vrede en geluk koop nie, inteendeel is dit of mens dan ongeluk koop.
Baie tragies en hy lyk sommer hartseer op al die fotos