[Foto’s] Steve en Janine wys hul Romy-Lee

Die klein Romy-Lee (Foto: Facebook)

Die sanger Steve Hofmeyr het foto’s van hom en sy vrou, Janine, se kleinding gedeel.

Romy-Lee is Maandag skuins ná 8:00 gebore en Hofmeyr het kort daarna aan Maroela Media gesê hy en Janine is omtrent bewoë en het nog nie een oomblik ophou glimlag nie.

Romy-Lee, die sanger se sesde kind, het wéér sy lewe verander, nes elkeen van sy vyf ander kinders ook, vertel hy. “ʼn Prinsessie wat my om haar vingertjie gaan draai.”

Daar is een ding wat deur haar lewe vir die gesin belangrik is én deurentyd belangrik gaan bly, sê hy: “Om nie tyd te mors nie. Om elke oomblik as ’n geleentheid te sien. Om God ook in klein detail te herken. Om altyd dankie en asseblief te sê. Om ouer mense, kinders, diere en musiek uit te sonder as Godsgesante.”

Hofmeyr het vyf ander kinders: Charissa (28), Armand (26), Devon (22), Sebastian (14) en Benjamin (12). Hy en Janine is in Januarie 2014 getroud.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
CF

Veels geluk, julle! Sy is pragtig!

Karmi

Hoop haar pa sal haar ordentelik leer praat – nie sulke “slang” soos sy vroutjie nie!

Lizl

Pragtig ! Weet sommer hulle gaan haar met die regte waardes groot maak

T

Sy is pragtig! Lyk soos n engeltjie. Veels geluk. Die wat vieslike negatiewe kommentaar lewer is net jaloers!

ek

Ag moeder!