Jo Black. (Foto: Mizanne Hattingh/Maroela Media)
Twee oorsese Maroela Media-lesers het elkeen ʼn stel BBP-dubbelkaartjies gewen om na Jo Black se vertoning op Saterdag 15 Julie by die Theater Amsterdam in Nederland te gaan kyk.
Baie geluk aan Jade van den Bergh en Wiehann Mienie wat die vertoning as deel van ʼn eersteklas ervaring gaan beleef.
Die gelukkige wenners se stel kaartjies sluit ook ʼn Six Dogs Gin-verwelkomingsdrankie, spesiale toegang, voorste sitplekke en ʼn spesiale ontmoeting met die kunstenaars na afloop van die konsert in.
Die eksklusiewe konsert, Hoop in Afrikaans, gaan die talentvolle sanger en liedjieskrywer se musiekvernuf tentoonstel en bewys waarom hy een van Suid-Afrika se grootse musieksterre is.
Die konsert in Amsterdam vorm deel van die Europese been van Jo se internasionale toer, waar hy ook na Londen en Skotland in die Verenigde Koninkryk vir konserte gaan reis.
Koop jou kaartjies vir Jo Black se Hoop in Afrikaans-konsert in Nederland hier op www.eventbrite.com
Hou Maroela Media dop vir nog opwindende kompetisies en skryf in!
