Ampie se liedjie getiteld ‘Keanu’ is vandag uitgereik.
Die sanger en liedjieskrywer Ampie het ter viering van Vadersdag vanjaar ʼn hartroerende liedjie getiteld “Keanu” vir sy 12 weke oue babaseuntjie geskryf.
Dié liedjie is vandag (Sondag) uitgereik. Die musiekvideo vir die liedjie is ook amptelik beskikbaar.
Ampie beskryf die liedjie as ʼn geskenk aan sy seun, wat Keanu John du Preez heet, en na sy oupa aan vaderskant genoem is. Oupa John is in 1999 dood en was ʼn bekende ginekoloog in die Pretoria-omgewing.
“Die lewenslesse wat ek by my pa geleer het, sal ek net so oordra na my seun. Al sal hy nooit sy oupa ken nie, sal sy stories voortleef. My pa was min gepla oor geld en status en het vir sy familie en vriende gelewe en dit is hoe ek ook probeer lewe.”
Ampie sê hy verkies dit om eenvoudig te leef. “Geld beteken op die ou einde niks nie. Dit maak die lewe makliker in sommige opsigte, maar ek ken miljoenêrs wat nie hul demone kan tem nie.”
Hy sê sy pa het hom met liefde, respek en eer hanteer. “Dit is wat ek my kind wil leer; nederigheid ook. Hierdie lied is vir my ʼn poging as pa om uit te druk hoe ek wil hê my kind moet lewe en ek kan net hoop hy luister na my gebede.”
Die musiekvideo van “Keanu” is deur Willem by Source Video vervaardig. Murray Lubbe en Juan “Floors” Oosthuizen het die liedjie saam met Ampie vervaardig.
Kyk hier na die musiekvideo van “Keanu”:
Pragtig!
Uitstekende liedjie.Jou seun sal sy “plain jane” kry,Ampie.
Ampie jy is n pragtige diepmens. Een van ons beste afrikaanse sangers ..! mooi lied. Geniet jou seun. Hy is gesèen met n great pappa.